ភ្នំពេញ៖ បុរសជនជាតិចិនម្នាក់បើករថយន្តឡិចសុីសទាំងស្ថានភាពស្រវឹងបើកជ្រុលបុករបាំងថ្មពុះចែកទ្រូងផ្លូវបណ្តាលអោយរងការខូចខាតតែសំណាងមិនមានអ្នករងរបួស។
ហេតុការណ៍នេះបានកើតឡើងកាលពីវេលាម៉ោង១និង១០នាទីរំលងអាធ្រាតឈានចូលថ្ងៃទី៤ខែកក្កដាឆ្នា២០១៧ នៅតាមបណ្តោយផ្លូវព្រះសីហនុ ស្ថិតក្នុងសង្កាត់បឹកកេងកងទី២ខណ្ឌឬស្សីកែវ។
តាមប្រភពព៌ត៌មានពីកន្លែងកើតហេតុបានអោយដឹងថានៅមុនពេលកើតហេតុគេបានឃើញរថយន្តម៉ាកឡិចសុីស LX 470 ពណ៌ស្ករពាក់ស្លាកលេខភ្នំពេញ2P 8279 បើកបរដោយបុរសម្នាក់ធ្វើដំណើរតាមបណ្តោយផ្លូវព្រះសីហនុក្នុងទិសដៅពីលិចទៅកើតក្នុងល្បឿនលឿនខណះមកដល់ចំណុចកើតហេតុស្រាប់តែរ៉េចង្កូតទៅបុកនិងរបាំងថ្មពុះចែកទ្រូងផ្លូវបណ្តាលអោយរងការខូចខាតអស់ចំនួន១កងរីឯរថយន្តដាច់កាឡេទៅមុខលែងរួច។
ក្រោយពេលកើតហេតុសមត្ថកិច្ចមូលដ្ឋានបានចុះទៅដល់ចំណុចកើតហេតុនិងទំនាក់ទំនងហៅនគរបាលចរាចរណ៍ជើងគោករាជធានីដើម្បីមកស្ទូចរថយន្តទៅរក្សានៅការណ៍រិយាល័យចរាចរណ៍ជើងគោករាជធានីរងចាំដោះស្រាយពេលក្រោយ៕សិរសារ