បញ្ជូនជនជាតិចិន៧៣នាក់ ពាក់ព័ន្ធ​ការ​ជម្រិត​ទារប្រាក់ឆ្លងដែន​តាម​ប្រព័ន្ធ​អ៊ី​ធើ​ណេ​តទៅ​ប្រទេស​ចិនវិញ

0
167

ភ្នំពេញ: ជនជាតិ​ចិន​ចំនួន​៧៣​នាក់ដែលពាក់ព័ន្ធ​ការ​ជម្រិត​ទារប្រាក់ ឆ្លងដែន​តាម​ប្រព័ន្ធ​អ៊ី​ធើ​ណេ​ត ទៅ​ប្រទេស​ចិន ត្រូវបានសមត្ថកិច្ចនគរបាលអគ្គនាយកដ្ឋានអន្តោប្រវេសន៍ ​បញ្ជូនទៅប្រទេសគេវិញ នៅវេលា​ម៉ោង​១០ និង​៣០​នាទី​ព្រឹក ថ្ងៃទី​០៦ ខែកក្កដា នេះ ​តាមការស្នើសុំរបស់ភាគី​ចិនដើម្បីចាត់វិធានការ តាមផ្លូវ​ច្បាប់​របស់ខ្លួន​បន្ទាប់ពីជនជាតិ​ចិន​ទាំងនេះត្រូវបាន​សមត្ថកិច្ច​ក​ម្ពុ​ជា ចាប់ខ្លួន​កាលពី​ថ្ងៃ​ ១ ខែកក្កដា ឆ្នាំ​២០១៧ នៅ​រាជធានី​ភ្នំពេញ ខេត្តកំពត និង​ខេត្តកណ្តាល​។​

 

អគ្គនាយករង នៃ​អគ្គនាយកដ្ឋាន​អន្តោប្រវេសន៍លោក​ឧ​ត្ត​ម​សេនីយ៍​ឯក ឃុន សំបូរ បាន​ឲ្យ​ដឹងថា ប្រតិបត្តិ​ការបង្ក្រាប​នេះ សមត្ថកិច្ច ​ធ្វើឡើង​១១​គោលដៅគឺ នៅ​រាជធានី​ភ្នំពេញ ខេត្តកណ្តាល និង​ខេត្តកំពត​ហើយឃាត់បាន “​ជនជាតិ​ចិន​ទាំង​៧៣​នាក់ក្នុងនោះមានស្រី២១នាក់ ពាក់ព័ន្ធ​ការ​ជម្រិត​ទារប្រាក់​ឆ្លងដែន​។​

​ជាលទ្ធផល ការបង្ក្រាប​នៅ​រាជធានី​ភ្នំពេញ មាន​ចំនួន​៧​គោលដៅ ឃាត់ខ្លួន​ជនជាតិ​ចិន​ចំនួន​៣៥​នាក់ ស្រី​១១​នាក់​។ នៅ​ខេត្តកំពត ចំនួន​៣​គោលដៅ ដោយ​ឃាត់ខ្លួន​ជនជាតិ​ចិន ចំនួន​៣៨​នាក់ ស្រី​១១​នាក់​។ ខេត្តកណ្ដាល ចំនួន​២​គោលដៅ និង​ដកហូត​បាន​វត្ថុតាង​មួយចំនួន​។

 

លោកឧត្តមសេនីយ៍ឯកបន្តថា ជនជាតិចិនទាំងនេះត្រូវបានបញ្ជូនតាមយន្តហោះរបស់ភាគី ចិន នៅព្រលានយន្តហោះអន្តរជាតិភ្នំពេញ នាព្រឹកថ្ងៃទី៦ ខែកក្កដានេះ ៕ប្រសើរ

LEAVE A REPLY

Please enter your comment!
Please enter your name here