ភ្នំពេញ៖ ជនសង្ស័យចំនួន៣នាក់ត្រូវកម្លាំងនគរបាលប៉ុស្តិ៍ព្រែកប្រាចាប់ឃាត់ខ្លួន ខណៈដែលលាក់ទុកគ្រឿងញៀនដើម្បីជួញដូរ។ហេតុការណ៍នេះបានកើតឡើងកាលថ្ងៃទី១១ខែកក្កដាឆ្នាំ២០១៧វេលាម៉ោង២៣និង១០នាទីយប់ ស្ថិតនៅមុខផ្ទះគ្មានលេខ ភូមិព្រះពន្លា សង្កាត់ព្រែកប្រា ខណ្ឌច្បារអំពៅ។
ជនសង្ស័យដែលកម្លាំងនគរបាលប៉ុស្តិ៍ព្រែកប្រាចាប់ឃាត់ខ្លួននោះ៖
១-ឈ្មោះប៉ែន ពិសិដ្ឋ ភេទប្រុស អាយុ២៨ឆ្នាំ ជាតិខ្មែរ មុខរបរមិនពិតប្រាកដ ស្នាក់នៅភូមិកោះនរា សង្កាត់និរោធ ខណ្ឌច្បារអំពៅ។
២-ឈ្មោះយ៉យ ងាុំភេទស្រី អាយុ២៧
ឆ្នាំ ជនជាតិវៀតណាម មុខរបរមិនពិតប្រាកដ ស្នាក់នៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ។
៣-ឈ្មោះឡេ ធីអុីម ភេទស្រី អាយុ២៨ឆ្នាំ ជនជាតិវៀតណាម មុខរបរមិនពិតប្រាកដ ស្នាក់នៅភូមិព្រះពន្លា សង្កាត់ព្រែកប្រា ខណ្ឌច្បារអំពៅព្រមទាំងដកហូតវត្ថុតាងរួមមានៈ៖ ម្សៅក្រាមពណ៌សថ្លា (សង្ស័យគ្រឿងញៀន) ០១កញ្ចប់ថង់ធំល្មមនិងម៉ូតូ១គ្រឿងម៉ាកC125ពណ៍ខ្មៅពាក់ស្លាក លេខ ភ្នំពេញ1GL8673 ។
បច្ចុប្បន្ននេះជនសង្ស័យកំពុងឃុំខ្លួនជាបណ្ដោះអាសន្ននៅអធិការខណ្ឌច្បារអំពៅដើម្បីកសាងសំណុំរឿងបញ្ជូនទៅកាន់តុលាការចាត់ការតាមផ្លូវច្បាប់៕សារ៉េត