ម៉ូតូ​នឹង​ម៉ូតូ​ខប៉ះ​គ្នា​ខ្ទាត​ទៅ​កណ្ដាល​ផ្លូវ​ត្រូវ​រថយន្ត​បុក​បណ្ដាល​អោយ​ស្លាប់​១រង​របួស​ធ្ងន់​១

 

 

 

 

ខេត្តកណ្តាល៖ បុរស​២នាក់​ជិះ​ម៉ូតូ​ផ្សេង​គ្នា​ប៉ះ​ដៃ​ចង្កូត​ខ្ទាត​ទៅ​កណ្ដាល​ផ្លូវ​ត្រូវ​រថយន្ត​បុក​បណ្ដាល​អោយ​ស្លាប់​ម្នាក់​នឹង​រង​របួស​ធ្ងន់​ម្នាក់​ត្រូវ​រថយន្ត​សង្គ្រោះ​ដឹក​យក​ទៅ​ព្យាបាល​នៅ​មន្ទីរ​ពេទ្យ​។ហេតុការនេះបានកើតឡើងនៅថ្ងៃទី១៦ខែកក្កដាឆ្នាំ២០១៧វេលាម៉ោង១៧និង៤០នាទី​ល្ងាច​ត្រង់ចំណុចលើផ្លូវជាតិលេខ២១​ក្នុង​ភូមិព្រែកសំរោង៣សង្កាត់តាខ្មៅ ក្រុងតាខ្មៅ។
ជន​រង​គ្រោះ​រង​របួស​ធ្ងន់​ត្រូវ​បាន​គេ​ស្គាល់​ឈ្មោះ​ ឡាច ឡា ភេទប្រុសអាយុ៣៣ឆ្នាំ​ស្នាក់​នៅ​ភូមិព្រែកថ្មី សង្កាត់ព្រែកថ្មីខណ្ឌច្បារអំពៅរាជធានីភ្នំពេញ។ដោយ​បើក​ម៉ូតូ​ម៉ាកHONDA DREAM125(ស៊េរីឆ្នាំ២០១៧) ពណ៌ខ្មៅគ្មានផ្លាកលេខ (ពាក់មួកសុវត្ថិភាពនិងគ្មានកញ្ចក់)។ចំណែក​ឯ​ជន​រង​គ្រោះ​ដែល​ស្លាប់​បាត់​បង់​ជីវិត​នោះ​ឈ្មោះ​ង៉ែត សុខហាក់ ភេទប្រុស អាយុ២៧ឆ្នាំនៅភូមិកញ្ចិល ឃុំកំពង់រាបស្រុកព្រៃកប្បាស់ ខេត្តតាកែវ(ស្លាប់នៅកន្លែងកើតហេតុ)ដោយ​បើក​ម៉ូតូ​​ម៉ាកHONDA DREAM125(ស៊េរីឆ្នាំ២០១២) ពណ៌ខ្មៅពាក់ផ្លាកលេខ ភ្នំពេញ1BE.3021(ពាក់មួកសុវត្ថិភាពនិងមានកញ្ចក់)។

តាម​ប្រភព​ព៌ត៌​មាន​ពី​កន្លែង​កើត​ហេតុ​បាន​អោយ​ដឹង​ថា​នៅ​មុន​ពេល​កើត​ហេតុ​គេ​ឃើញ​​ម៉ូតូមួយគ្រឿងបើកពីទិសជើងមកដល់ចំណុចកើតហេតុបានបុកជាមួយម៉ូតូផ្សេងទៀតដែលបើកពីខាងត្បូង​ទៅ​ជើងពេញទំហឹង ហើយក៏​មានរថយន្ត១គ្រឿងម៉ាក(ព្រួស)ពណ៏សរបើកវ៉ាជែងជាមួយរថយន្តដឹកដីមួយគ្រឿងទៀត​ធ្វើ​ដំណើរ​ស្រប​ទិស​គ្នាកិនចំក្បាលជនរងគ្រោះដែលដួលលើទ្រូងផ្លូវបណ្ដាល​អោយ​ស្លាប់​ ហើយបើករត់​គេចបាត់ទៅទិសខាងត្បូងសំដៅទៅស្រុកស្អាងបន្សល់នៅអ្នករងបួសធ្ងន់ម្នាក់និង​សាកសពម្នាក់​នៅ​កន្លែង​កើត​ហេតុ​។

ក្រោយពីរហេតុ​គេ​ឃើញ​កម្លាំង​នគរ​បាល​មូល​ដ្ឋាន​ចុះ​ទៅ​កន្លែង​កើត​ហេតុ​ដើម្បី​ធ្វើ​ចរាចរណ៍​ព្រម​ទាំង​យកម៉ូតូទាំងពីរគ្រឿងមករក្សានៅអធិការដ្ឋាននគបាលក្រុងតាខ្មៅដើម្បីចាំដោះស្រាយតាមច្បាប់៕​សារ៉េត​

 

 

 

Leave a Reply

Your email address will not be published. Required fields are marked *