វិនាសកម្មព្រៃការពារស្រែពកដោយស្នាដៃក្រុមហ៊ុនយូនីគ្រីនរបស់លោកឧកញ៉ាវី រ៉ាដាកំពុងកាប់បំផ្លាញសត្វព្រៃស្រែពកឱ្យទៅជាវាលរហោលឋាន

 

 

 

 

 

 

​ខេត្ត​មណ្ឌលគិរី៖ក្រុមហ៊ុនយូនីគ្រីនរបស់លោកឧកញាវី រ៉ាដាបានចូលលួចកាប់បំផ្លាញព្រៃការពារសត្វព្រៃស្រែពកដែលយ៉ាងច្រើនសន្ធឹកសន្ធាប់រាប់ម៉ឺនជ្រលុងនៅក្នងមួយថ្ងៃៗ ដោយក្រុមហ៊ុននេះបង្កើតឡើងបានដាំជាដំណាំម្រេចនៅក្នុងភូមិពូតាង ឃុំពូជ្រៃ ស្រុកពេជ្រាដា ខេត្តមណ្ឌលគិរី។

​តាម​ប្រភព​ព៌ត៌​មានពី​ប្រជាពលរដ្ឋ​ដែល​រស់​នៅ​ជិត​កន្លែង​កើត​ហេតុ​នោះ​បានប្រាប់ឲ្យដឹងថា ជារៀងរាល់ថ្ងៃក្រុមហ៊ុនមួយនេះបានយករថយន្តកែឆ្នៃ រថយន្តប្រកុង និងត្រាក់ទ័រសណ្តោងរម៉កដឹកក្នុងមួយថ្ងៃៗមិនក្រោមពី៥ទៅ១០គ្រឿងនោះទេដែលចូលទៅលួចកាប់ឈើអារជាជ្រលុងម្រេចដឹកចេញពីព្រៃការពារសត្វព្រៃស្រែពកយ៉ាងអាណាធិបតេយ្យដោយមិនមានធ្វើការចាប់បង្រ្កាបពីកម្លាំងសមត្ថកិច្ចទាល់តែសោះដែលធ្វើឱ្យក្រុមហ៊ុនមួយនេះបានចិត្តចូលទៅកាប់បំផ្លាញ ដោយមិនគិតពីការបាត់បង់ទីជម្រកសត្វព្រៃនោះទេ។

ប្រជាពលរដ្ឋបានបន្តថា ការដឹកជញ្ជូនជ្រលុងម្រេចគឺដឹកឆ្លងកាត់វរៈការពារព្រំដែនគោកលេខ៣០៣ទាំងយប់ទាំងថ្ងៃ មិនដែលឃើញសមត្ថកិច្ចឬស្ថាប័នពាក់ព័ន្ធណាមួយឃាត់សួរនាំម្តងណាឡើយប្រហែលជាត្រូវដងត្រូវផ្លែគ្នាហើយទើបមិនដែលឃើញបង្រ្កាបសោះ។

ប្រជាពលរដ្ឋបានបន្តទៀតថា បើមិនធ្វើការបង្រ្កាប ក្រុមហ៊ុននេះទេនោះ ព្រៃការពាររបស់ជម្រកសត្វព្រៃនឹងត្រូវវិនាស គ្មានសេស​ឡើយ​។

ជា​ចុង​ក្រោយ​ប្រជាពលរដ្ឋ​សូម​ពរ​ដល់​ឯកឧត្តមនាយឧត្តមសេនីយ៍​ សៅ សុខា មេបញ្ជាការ​រងកង​យុទ្ធពល​ខេមរៈភូមិន្ទ​និង​ជា​មេបញ្ជាការ​កង​រាជអាវុធហត្ថលើផ្ទៃប្រទេសដែលទទួលបន្ទុកបង្រ្កាបបទល្មើសព្រៃឈើ សូមមានចំណាត់ការចុះត្រួតពិនិត្យក្រុមហ៊ុននេះផងបើពុំនោះទេព្រៃឈើទាំងអស់ត្រូវវិនាសជាក់ជាពុំខាន៕​ សារ៉េត​

 

 

Leave a Reply

Your email address will not be published. Required fields are marked *