ឃាត់ខ្លួន​នារី​៦​នាក់ជាអ្នកកោសជប់បង្កប់ បម្រើសេវាផ្លូវភេទ​នៅស្រុកស្អាង

ខេត្តកណ្ដាល ៖កម្លាំងនគរបាល​ខេត្តកណ្តាល​ ​សហការ​ជាមួយ​កំលាំង​អធិការ​ស្រុក​ស្អាង​បាន​ចុះ​បង្ក្រាប​ហាង​ការ​ហ្វេ និង​ម៉ាស្សា​កោស​ជប់​ដែល​មាន​បង្កប់​បំរើសេវា​ផ្លូវភេទ​ចំនួន​ពីរ​គោលដៅ​ដែល​ស្ថិត​នៅ​ភូមិ​ព្រែក​រុន​ក្រោម ឃុំ​ព្រែក​គយ ស្រុក​ស្អាង កាលពី​រសៀល​ថ្ងៃ​ទី​២៧ ខែកក្កដា ឆ្នាំ​២០១៧ ដោយ​ឃាត់ខ្លួន​នារី​៦​នាក់ជាអ្នកកោសជប់ បម្រើសេវាផ្លូវភេទ ។

អាជ្ញាធរមូលដ្ឋានបានឲ្យដឹងថា ​បន្ទាប់​ពី​មានការ​រាយការណ៍​ពីរ​ប្រជាពលរដ្ឋ​ថា ទីតាំង​ហាង​លក់​កាហ្វេ​ចំនួន​២​កន្លែង​នេះ​កំពុង​មាន​បំរើ​សេ​វ៉ា​កម្ម​ផ្លូវភេទ​ដែល​មាន​មនុស្ស​ប្រុស​ៗ ក្មេង​ចាស់ ទៅ​រក​សេវាកម្ម​នៅ​ទីនោះ  ដោយ​ខុសច្បាប់ ។ ជាក់ស្តែង គោលដៅ​ទី​១​មាន​ម្ចាស់ផ្ទះ​ឈ្មោះ ស៊ី​ណា រស់នៅ​ភូមិ​ព្រែក​រុន ឃុំ​ព្រែក​គយ ស្រុក​ស្អាង ខេត្តកណ្តាល បាន​រត់គេច​ខ្លួន​ហើយ​សមត្ថកិច្ច​បាន​ឃាត់​នារី​បំរើសេវា​ផ្លូវភេទ​ចំនួន​៤​នាក់ ដែល​ស្នាក់​នៅ​ក្នុងផ្ទះ​ម៉ាស្សា​បំរើ​ផ្លូវភេទ​នេះ​តែ​ម្តង ។ គោលដៅ​ទី​២ ហាង​ការ​ហេ្វ​មុខ​កំពុងចម្លង​ព្រែក​តូច ឃាត់​នារី​ចំនួន​២​នាក់  ដែល​ពេល​ប្រតិបត្តិការ​នោះ​គឺ​មាន​នារី​កំពុង​បំរើសេវា​កម្ម​ជាក់ស្ដែង ។

សមត្ថកិច្ចបានឱ្យ​ដឹង​ថា ក្រោយ​ពី​បាន​ពិនិត្យ​មើល​ទីតាំង​ខាងលើ​មាន​សញ្ចារ​កម្ម​ដោយ​មាន​រូបភាព​លក់​កាហ្វេ សេវា​កោស​ជប់ ម៉ាស្សា​បង្កប់​សេវា​ជួញដូរ​ផ្លូវភេទ​ឈាន​ដល់​ការ​ឃាត់ខ្លួន​តែ​ម្តង ។ ក្រោយ​ពី​ឃាត់ខ្លួន​នារី​បម្រើ​សេវាកម្ម​ផ្លូវភេទ​ចំនួន​៦​នាក់​ហើយ គឺ​បាន​អប់រំ​នារី​ទាំង​៦​នាក់​ធ្វើ​កិច្ចសន្យា​បញ្ឈប់ កុំ​ប្រព្រឹត្ត​អំពើ​សញ្ចារ​កម្ម​បន្ត​ទៀត ពេល​អបរំ​ហើយ​សមត្ថកិច្ច​ឱ្យ​វិល​ត្រលប់​ទៅ​ស្រុក​កំណើត​វិញតាមសម្រួល  ៕ សម្បត្តិ

Leave a Reply

Your email address will not be published. Required fields are marked *