ភ្នំពេញ ៖ បុរសម្នាក់រងរបួសសន្លប់ស្តូកស្តឹងនៅកន្លែង ធំក្លិនទាំងស្រាជាប់ខ្លួន បន្ទាប់ជិះម៉ូតូធ្លាក់ជង្ហុកបោកដួលអូសជាង២០ម៉ែត្រ។ហេតុការណ៍នេះបានកើតឡើងកាលពីវេលាម៉ោង៨និង២០នាទីយប់ថ្ងៃទី៣១ ខែកក្កដា ឆ្នាំ២០១៧ នៅលើកំណាត់ផ្លូវជាតិលេខ៣ មុខស្ថានីយ៍ប្រេងឥន្ទនៈសាវីមុិច ភូមិព្រៃកំបុត សង្កាត់ចោមចៅ ខណ្ឌពោធិ៍សែនជ័យ ។
ជនរងគ្រោះមិនត្រូវស្គាល់អត្តសញ្ញាណនោះទេ ដោយ ជិះម៉ូតូមួយគ្រឿងម៉ាក ហុងដា សេ១២៥ ពណ៌ខ្មៅ ពាក់ស្លាកលេខ ភ្នំពេញ 1AB-1514ក្នុងទិសដៅពីត្បូងទៅជើង ។
តាមប្រភពពត៌ពីប្រជាពលរដ្ឋបានឲ្យដឹងថា នៅមុនកើតហេតុ គេឃើញជនរងគ្រោះជិះម៉ូតូល្បឿនលឿនពីត្បូងទៅជើងដោយស្ថានភាពស្រវឹង។លុះបើកមកដល់ចំណុចកើតហេតុ មិនដឹងស្ថានភាពផ្លូវជាតិលេខ៣ឥឡូវខុសប្លែកពីមុនដោយសំបូរជង្ហុក ច្រើនហើយជ្រៅៗ ធ្វើឲ្យជនរងគ្រោះ គេចមិនទាន់ បានបើកចូលជង្ហុកបោកដួលអូសជាច្រើនម៉ែត្រ ដេកសន្លប់ឈឹងនៅកន្លែងកើតហេតុហើយត្រូវបានប្រជាពលរដ្ឋតេហៅរថយន្តសង្គ្រោះដឹកជនរងគ្រោះទៅព្យាបាលនៅមន្ទីរពេទ្យ។
បច្ចុប្បន្ននេះជនរងគ្រោះកំពុងសំរាកព្យាបាលនៅមន្ទីពេទ្យសម្ភរពស្មី យកទៅព្យាបាល ។ ចំណែកម៉ូតូ ត្រូវបាននគរបាលយកទៅរក្សាទុកនៅប៉ុស្តិ៍ចោមចៅ ៕សារ៉េត