រថយន្តហ្វតបើកទាំងបែកកង់ឡើងឃឿនពុះចែកទ្រូងផ្លូវជ្រុលទៅបុកបង្គោលភ្លើង

 

 

 

 

 

 

ភ្នំពេញ៖ បុរសម្នាក់បើករថយន្តទាំងបែកកង់រ៉េចង្កូតឡើងលើឃឿនទ្រូងផ្លូវហើយជ្រុលទៅបុកបង្គោលភ្លើងបំភ្លឺផ្លូវកំពិតគៀបជាប់តែ​សំណាង​ល្អ​មិន​បង្ក​គ្រោះ​ថ្នាក់​ដល់​នរណា​ម្នាក់​។ហេតុការណ៍​នេះ​បង្កអោយមានការភ្ញាក់ផ្អើលកាលវេលាម៉ោង ៨នឹង២០នាទីយប់​ថ្ងៃទី២ខែសីហាឆ្នាំ២០១៧ ស្ថិត​នៅតាមបណ្តោយផ្លូវ វេងស្រេង ភូមិត្រពាំងថ្លឹងសង្កាត់ចោមចៅ ខណ្ឌពោធិ៍សែនជ័យ។

អ្នក​បើក​បរ​មិន​ត្រូវ​បាន​គេ​ស្គាល់​អត្តសញ្ញាណ​នោះ​ទេ​ដោយ​ជិះ​រថយន្តម៉ាកហ្វត ពណ៌សពាក់ស្លាកលេខ ភ្នំពេ2F,9265។

តាម​ប្រភព​ព៌ត៌​មានពី​កន្លែង​កើត​ហេតុ​បានអោយដឹងថា នៅ​មុន​ពេល​កើត​ហេតុ​ពួកគាត់ឃើញរថយន្តបង្កខាងលើបើកដោយបុរសម្នាក់​ធ្វើ​ដំណើរ​តាម​បណ្ដោយ​ផ្លូវ​វេង​ស្រេង​ក្នុងទិដៅពីកើតទៅលិចយ៉ាងលឿន។​លុះ​មកដល់ចំណុចកើតហេតុស្រាប់តែរថយន្តបង្កខាងលើបានរ៉េចង្កូតទៅផ្នែកខាងឆ្វេងហើយឡើងឃឿនពុះចែកទ្រូងផ្លូវហើយជ្រុលទៅបុកបង្គោលភ្លើងបំភ្លឺផ្លូវ​ដែលនៅកណ្តាលឃឿនបន្ថែម​ទៀត​ក៏​បែកកង់ខាងឆ្វេងព្រមទាំងដាច់កាឡេបើកគៀបជាប់នឹងបង្គោលភ្លើងទៅមុខលែងរួច។
បើតាមសំដីអ្នកបើកបររថយន្តខាងលើបាននិយាយថា នៅមុនពេលកើតហេតុរថយន្តរបស់គាត់បានបើកទាំងបែកកង់ហើយដោយបួងចង្កូតមិនរួចបានឡើងឃឿនទ្រូងផ្លូវហើយបានជ្រុលទៅបុកបង្គោលភ្លើតែម្តង។

ក្រោយពេលកើតហេតុដោយមានការខូចខាត់កពិតបង្គោលភ្លើងដែលជារបស់រដ្ឋត្រូវបានជំនាញចរាចរណ៍​ខណ្ឌពោធិ៍សែនជ័យបានប្រគល់អោយជំនាញចរាចរណ៍រាជធីនីភ្នំពេញស្ទូចយកទៅរក្សាទុកដើម្បីរងចាំកាដោះស្រាយ​នៅ​ពេល​ក្រោយ​៕សារ៉េត

 

 

Leave a Reply

Your email address will not be published. Required fields are marked *