ភ្នំពេញ៖មានហេតុការណ៍មួយបង្កអោយមានការភ្ញាក់ផ្អើលកាលពីវេលាម៉ោង ២៣:០០នាទីយប់ថ្ងៃទី០៣ខែសីហាឆ្នាំ២០១៧នៅក្នុងឃ្លាំងខោអាវជជុះទីតាំងលេខ ៦៦E០ ផ្លូវលេខ ៣១៨ភូមិទី៩សង្កាត់ទួលស្វាយព្រៃទី២ ខណ្ឌចំការមន ខណៈដែលមិត្តភ័ក្តរបស់ជនរងគ្រោះត្រឡប់មកពីផឹកសុីនៅខាងក្រៅ។
សាកសពជនរងគ្រោះឈ្មោះ ជា សារិ ភេទប្រុសអាយុ ២៤ឆ្នាំ មុខរបរយាមឃ្លាំងស្នាក់នៅក្នុងផ្ទះកើតហេតុខាងលើ មានទីលំនៅភូមិខ្លំ ឃុំពាមមន្ទារស្រុក កំពង់ត្របែក ខេត្តព្រៃវែង។
តាមប្រភពពត៌មានពីឈ្មោះ អូន រ៉ាក់ បានអោយដឹងថា នៅមុនពេលកើតហេតុជនរងគ្រោះនឹងមិត្តភ័ក្តម្នាក់ទៀតឈ្មោះតាំង ជុងអាងរវល់ទៅផឹកសុីជាមួយបក្ខពួកខាងខាងក្រៅទុកអោយជនរងគ្រោះយាមម្នាក់ឯង។លុះដល់ម៉ោងកើតហេតុខាងលើ ឈ្មោះតាំង ជុងអាងបានវិលត្រឡប់មកវិញក៏ចុចកណ្ដឹងហៅជនរងគ្រោះ អោយបើកទ្វាររបង ប៉ុន្តែពុំមានការឆ្លើយតបទើបលូកដៃចូលតាមរន្ឋសំរាប់ចាក់សោរ ឃើញទ្វារគ្មានចាក់សោរក៏បើកចូល។បន្ទាប់មកបើកទ្វារឃ្លាំងនិងបើកភ្លើងស្រាប់តែឃើញជនរងគ្រោះចងកស្លាប់បាត់ទៅហើយ។ភ្លាមៗឈ្មោះតាំង ជុងអាងបានរាយការណ៍ទៅអាជ្ញាធរមូលដ្ឋានចុះមកពិនិត្យកន្លែងកើតហេតុ។
តាមប្រភពពត៌មានពីនគរបាលជំនាញបានអោយដឹងថា តាមការត្រួតពិនិត្យកាម៉ារ៉ាសុវត្ថិភាពឃើញជនរងគ្រោះបិតភ្លើងរួចដើរឡើងតាមកាំជណ្តើរទៅលើត្រង់កន្លែងចងក។
ក្រោយពីត្រួតពិនិត្យរួចកម្លាំងនគរបាលបានប្រគល់សាកសពជនរងគ្រោះអោយក្រុមគ្រួសារយកទៅធ្វើបុណ្យតាមប្រពៃណីនៅឯគេហដ្ឋាន៕សារ៉េត