អង្គុយផឹកសុខៗឃើញគេដើរកាត់ស្ទុះទៅវាយបណ្តាលអោយរងរបួសម្នាក់

0
154

 

 

 

 

 

 

 

 

 
ភ្នំពេញ៖​ បុរសម្នាក់បានរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ​ ខណៈ​ដែល​ដើរឆ្លងកាត់កន្លែងក្រុមក្មេងស្ទាវអង្គុយផឹកសុីហើយបានក្រឡេកមើលមុខក្រុមទាំងនោះស្រាប់តែបុរសម្នាក់ស្ទុះមកព្រួតវាយ​។ បង្កការភ្ញាក់ផ្អើលកាលពីវេលាម៉ោង១០និង១០នាទីយប់ថ្ងៃទី៧ខែសីហាឆ្នាំ២០១៧​ នៅចំណុចសួនមាត់ទន្លេខាងជើងស្ពាននាគ​ ស្ថិតក្នុងសង្កាត់ចតុមុខ​ ខណ្ឌដូនពេញ​។
​ ជនសង្ស័យទី១ឈ្មោះយ៉ាន់ម៉េង​ ភេទប្រុសអាយុ១៧​ ឆ្នាំ​ មុខរបរ​បុគ្គលិកហាងលក់ត្រីមួយកន្លែង​ មានស្រុកកំណើតនៅខេត្តតាកែវ​និង​ទី២ឈ្មោះណុប​ភក្តី​ ភេទប្រុសអាយុ២៩ឆ្នាំ​ មានស្រុកកំណើតនៅខេត្តតាកែវ។
​តាមសម្តីឈ្មោះយ៉ាន់ម៉េង​​បក្ខ​ពួក​ជន​សង្ស័យ​ដែល​ឃើញ​ហេតុ​ការណ៍​បានអោយដឹងថានៅមុនពេលកើតហេតុរូបគេបានចេញពីកន្លែងធ្វើការដោយមិត្តភ័ត្ត្រម្នាក់បានតេហៅអោយមកអង្គុយផឹកសុី​ជាមួយក្រុមមិត្តភ័ក្ត្រគេទៀតដែលមិនដែលស្គាល់គ្នាសោះ​ ខណៈ​ដែល​មកដល់ក៏បានអង្គុយផឹកសុីជុំគ្នាមានចំនួន៩នាក់ក្នុងនោះមាននារី៣នាក់ផងែ​ដរ។ ពេល​ដែល​អង្គុយផឹក​សុខ​ៗ​ស្រាប់តែមានបុរសម្នាក់ដើរឆ្លងកាត់​ក៏​មានបុរសម្នាក់​ទៀត​ក្នុងចំណោមបក្ខពួក​ជន​សង្ស័យ​ស្រែកសួរ​ថា​ ឯងមើលមុខអីហា? មិចចង់វៃគ្នាមែន?ភ្លាមនោះបុរសនោះ(ជនរងគ្រោះ)

បានឆ្លើយថាខ្លាចឯងចង់វៃៗទៅ​ ។ ដោយឮដូចនេះជនដៃដល់ក៏ស្ទុះទៅវាយហើយក៏មានបក្ខពួក២នាក់ទៀតស្ទុះទៅវាយ​បន្ថែម​បណ្តាលអោយរងរបួសធ្ងន់ភ្លាមនោះជនដៃដល់ក៏បានរត់គេចខ្លួនអស់ទៅដោយសារ​កម្លាំង​នគរបាល​នៅក្បែរនោះក៏ចុះអន្តរាគមន៍ភ្លាមនិងឃាត់យុវជន២នាក់ដែលមកអង្គុយផឹកជុំគ្នាជាមួយជនដៃដល់ផងដែរ។
​ ក្រោយពេលកើតហេតុជនរងគ្រោះត្រូវបានបញ្ជូនទៅសង្គ្រោះភ្លាមៗ​ ចំណែកជនសង្ស័យ២នាក់ត្រូវបាន​កម្លាំងនគរបាល​ធ្វើការសាកសួរ​ដើម្បី​ស្វែង​រក​ចាប់​បក្ខ​ពួក​យក​មក​កសាង​សំណុំ​រឿង​បញ្ជូន​ទៅ​កាន់​តុលាការ​៕សារ៉េត​

 

 

 

 

LEAVE A REPLY

Please enter your comment!
Please enter your name here