ជនសង្ស័យ២នាក់កាត់ដំបូលចូលលួចទូសព្ទអស់ជាង១០គ្រឿង​ត្រូវ​កម្លាំង​នគរ​បាល​

 

 

 

 

 

ភ្នំពេញៈ ជនសង្ស័យ​២នាក់​ត្រូវ​បាន​ឃាត​ខ្លួន​ ខណៈ​ដែល​​ចូល​លួច​ទូរសព្ទ័​នៅ​ក្នុង​ហាង​មួយ​កន្លែង​ក្រោយ​ពេល​ធ្វើ​សកម្មភាព​១​ថ្ងៃ​ត្រូវម្ចាស់​តាម​រង​ឃើញ​ចាប់​ប្រគល់​អោយ​កម្លាំង​នគរ​បាល​។ហេតុ​ការណ៍​នេះ​កើត​ឡើង​កាល​ពីវេលា​ម៉ោង​៤​និង​៥នាទី​ល្ងាច​​ថ្ងៃទី​៨​ខែ​សីហាឆ្នាំ​២០១៧​ស្ថិនៅ​ភូមិ​ទ្រា​សង្កាត់​ស្ទឹង​មានជ័យ​ខណ្ឌ​មានជ័យ រាជធានី​ភ្នំពេញ ។
ជន​សង្ស័យ​ទាំង​២​នាក់​មាន​ឈ្មោះ​ វាំង ពូយ​ ភេទប្រុស​អាយុ​២១​ឆ្នាំ​មុខរបរ មិន​ពិត​ប្រាកដ​ឃាត់​ខ្លួន​បាន​មុន​ទី​២​ឈ្មោះ សា មីប៉ោង ភេទប្រុស​អាយុ​២៦​ឆ្នាំ​មុខ​របរ​កម្មករ​សំណង់​ស្នាក់​ភូមិ​ទ្រា សង្កាត់ស្ទឹង​មានជ័យ ខណ្ឌ​មាន​ជ័យ ឃាត់​ខ្លួន​បាន​នៅ​ផ្ទះ​សំណាក់​អប្សារ៉ា​២ ។

តាម​សម្តី​ពី​ជន​រងគ្រោះ​ឈ្មោះ ហួន. លី អាយុ​២៤​ឆ្នាំ​មុខ​របរ​អ្នក​លក់​ទូរសព្ទ័​បាន​អោយ​ដឹង​ថា មុន​ពេល​កើត​ហេតុ​នៅ​យប់​ថ្ងៃ​ទី​៧​ខែ​សីហា​ឆ្នាំ​២០១៧​រូប​គាត់​បាន​ចាក់សោរ​តូប​លក់​ដូច​ជា​ធម្មតា​ហើយ​បាន​ទៅ​ផ្ទះ​ដូច​រាល់​ដង​។ប៉ុន្តែ​​​នៅ​ព្រឹក​ថ្ងៃ​ទី​៨​បាន​មក​បើក​តូប​ស្រាប់​តែ​ឃើញ​មាន​ដំបូល​របើក​បាន​ចូល​​ទៅ​មើល​ទូរសព្ទ័​ដែល​ដាក់​នៅ​ក្នុង​ទូ​​បាត់​អស់​ចំនួន​ជាង​១០​គ្រឿង​ហើយ​នៅ​ថ្ងៃ​ដដែល​បាន​បើក​កា​មេ​រ៉ា​ឆែក​មើល​ស្រាប់​តែ​ឃើញ​មាន​ជន​សង្ស័យ​២​នាក់​បាន​ចូល​ធ្វើ​សកម្មភាព​ចូល​លួច​ហើយ​ជា​មុខ​សញ្ញា​ចាស់​ផង ។
តាម​ប្រភព​ដដែល​បាន​អោយ​ដឹង​ទៀត​ថា នៅ​វេលា​ម៉ោង​ប្រហែល​៣​ថ្ងៃ​ដដែល​បាន​ឆែក​កាមេរ៉ា​សុវត្តិភា​ពទៀត​បាន​ឃើញ​ជន​សង្ស័យ​ម្នាក់​បាន​ដើរ​កាត់​ខាង​មុខ​តូប​លក់​បាន​ឃាត់​ខ្លួន​សួរ​បាន​សា​ភាព​ថា ខ្លួន​ពិត​ជា​បាន​លួច​ពិត​ប្រាក​ដ​មែន​ហើយ​ក៏​មាន​បក្ខ​​ពួក​ម្នាក់​ទៀត ដែល​កំពុង​តែ​ដេក​នៅ​ក្នុង​ផ្ទះ​សំណាក់​ក៏​ចាប់​យក​មក​​​ប្រគល់​អោយ​នគរ​បាល​ប៉ុស្តិ៍​ស្ទឹង​មាន​ជ័យ​សួរ​នាំ​បន្ត ។

​ក្រោយ​ពី​ឃាត់ខ្លួន​ហើយ​បាន​នាំ​ទៅ​រក​ទូរសព្ទ័​ដែល​វា​លាក់​ទុក​នៅ​ក្នុង​ដីឡូ​១​កន្លែង​បាន​៥​គ្រឿង​ចំណែក​ប៉ុន្មាន​គ្រឿង​ទៀត​បាន​យក​ទៅ​លក់​អស់ ។

បច្ចុប្ចន្ន​ជន​សង្ស័យ​ទាំង​២​នាក់​ត្រូវ​បាន​កម្លាំង​នគរ​បាល​ប៉ុស្តិ៍​ស្ទឹង​មាន​ជ័យ​​​កំពុង​​តែ​​កសាង​​សំណុំ​​រឿង​​បញ្ចូ​ន​ទៅ​អធិកាដ្ឋាន​នគរ​បាល​ខណ្ឌ​មានជ័យ ដើម្បី​ចាត់​ការ​តាម​ផ្លូវ​ច្បាប់​ ៕​បញ្ញ​

 

 

Leave a Reply

Your email address will not be published. Required fields are marked *