ម៉ូតូពីរគ្រឿងបុកគ្នាពេញទំហឹង ស្លាប់១ របួសធ្ងន់ពីរនាក់ នៅស្រុុកព្រៃនប់

0
181

ព្រះសីហនុ: ម៉ូតូ២គ្រឿងបានបុកគ្នាពេញទំហឹង បណ្តាលឲ្យមនុស្សម្នាក់ស្លាប់ និង២នាក់ទៀតរងរបួសត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ កាលពីវេលាម៉ោង  ១០និង៣០នាទីព្រឹក ថ្ងៃទី១១ ខែសីហា ឆ្នាំ២០១៧ ស្ថិតនៅចំណុចតាមបណ្តោយផ្លូវជាតិ​លេខ៤ ចន្លោះ​គីឡូម៉ែត្រ​លេខ១៨០-១៨១​ ​ មុខ​តំបន់​សឹក​រង​ស្រុក​ព្រៃនប់​ ភូមិ​វាលមាស​ ឃុំ​វាលរេញ​ ស្រុក​ព្រៃនប់​ ខេត្ត​ព្រះសីហនុ​​។

ប្រភពព័ត៌មានបានឲ្យដឹងថា គ្រោះថ្នាក់ចរាចរណ៍គឺភាគីម៉ូតូទាំងសងខាង បានបើកបរក្នុងទិសដៅបញ្ច្រាសទិសគ្នា ក្នុងល្បឿនលឿនដូចគ្នា លុះដល់ចំណុចកើតហេតុ ភាគីម្ខាងក៏បានបត់ឆ្វេងឆ្លងផ្លូវ ទើបបណ្តាលឲ្យម៉ូតូមួយគ្រឿងទៀតចាប់ហ្រ្វាំងមិនទាន់ក៏បុកគ្នាពេញទំហឹងតែម្តង រហូតបណ្តាលឲ្យមនុស្សម្នាក់ស្លាប់ និង២នាក់ទៀតរងរបួសនៅលើម៉ូតូត្រូវបានបញ្ជូនទៅសង្គ្រោះបន្ទាន់នៅគ្លីនិកវាលរេញ​​ ភ្លាមៗ។

ក្រោយកើតហេតុ សមត្ថកិច្ចបានចុះទៅធ្វើការវាស់វែងនាំយកម៉ូតូ​ទាំង២​គ្រឿងយកទៅរក្សាទុកនៅ​អធិការ​ដ្ឋាន​នគរបាល​ស្រុក​ព្រៃនប់​ ដើម្បីរង់ចាំធ្វើការ​ដោះស្រាយគ្នានៅពេលក្រោយ ៕ សម្បត្តិ

 

LEAVE A REPLY

Please enter your comment!
Please enter your name here