រតនគិរីៈសមត្ថកិច្ចនគរបាលស្រុកអូរយ៉ាដាវបាន ចុះល្បាតប្រទះឃើញឈើដែលជនមិនស្គាល់មុខលាក់ទុកចំនួន៥០កំណាត់នៅវេលាម៉ោង៣រសៀល ថ្ងៃទី១៧ ខែវិច្ឆិកា ឆ្នាំ២០១៦ បានចុះល្បាតនៅចំណុចភូមិឡែ ឃុំលំជ័រ ស្រុកអូរយ៉ាដាវ ខេត្តរតនគិរី។
សមត្ថកិច្ចមូលដ្ឋានបានឲ្យដឹងថាឈើដែលប្រទះឃើញក្នុងព្រៃនោះជាប្រភេទឈើកកោះនិងឈើសុក្រំប្រមាណ៥០កំណាត់ ប្រវែងមួយដើមៗ ១,២០តឹក ដែលឈ្មួញបានលាក់ទុក។
ក្រោយពីប្រទះឃើញឈើទាំងនោះហើយសមត្ថកិច្ចបានយកមករក្សាទុកនៅអធិការរដ្ឋាននគរបាលស្រុកអូរយ៉ាដាវ រងចាំប្រគល់ទៅឲ្យសមត្ថកិច្ចជំនាញរដ្ឋបាលព្រៃឈើផ្នែកបកែវចាត់ការបន្តតាមនីតិវិធី៕ ក្រពុំ
