តាម​ស្រលាញ់​ស្ត្រី​ម៉ាស្សា​មិន​បាន​ ទិញ​​សាំង​ប៉ុនប៉ង​ដុត​ហាង​ផ្អើល​ពេញ​ភូមិ​

0
214

img_6003img_6002img_5987
ភ្នំពេញ៖នៅយប់ថ្ងៃទី១៨ ខែវិច្ឆិកា ឆ្នាំ២០១៦វេលាម៉ោង៧៖៥០នាទីយប់នេះ នៅចំណុចផ្ទះម៉ាស្សាយីហោ «៩៩៩៩» ផ្ទះលេខ៣៧៥ ផ្លូវ២០០៤ ស្ថិតក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យមានហេតុការណ៍មួយភ្ញាក់ផ្អើល មួយបន្ទាប់ពីបុរសម្នាក់តាមស្រឡាញ់ស្ដ្រីម៉ាស្សា ដែលបម្រើការនៅផ្ទះម៉ាស្សាខាងលើមិនបានហើយហៅទៅនៅផ្ទះជាមួយគ្នាមិនព្រមទៀត ធ្វើអោយបុរសដែលតាមដុតកន្លែងធ្វើការចោល តែត្រូវម្ចាស់ផ្ទះពន្លត់ទាន់ពេល ក្រោយមកជនសង្ស័យត្រូវបានកម្លាំងសមត្ថកិច្ចឃាត់ខ្លួនយកមកសាកសួរ ។

តាមប្រភពព័ត៌មានពីកម្លាំងកងរាជអាវុធហត្ថខណ្ឌពោធិ៍សែនជ័យម្នាក់សុំមិនបញ្ចេញឈ្មោះបានឲ្យដឹងថា ជនសង្ស័យបានស្រឡាញ់ស្ដ្រីម៉ាស្សាម្នាក់ ឈ្មោះ ជា ស្រីអូន អាយុ២៥ឆ្នាំ បម្រើការនៅផ្ទះខាងលើរយៈពេលជាង២ខែមកហើយ។រីឯជន សង្ស័យឈ្មោះ អៀម រដ្ឋា អាយុ២៤ឆ្នាំ មុខរបររត់ម៉ូតូកង់បីខណៈនោះជនសង្ស័យបានហៅនារីរងគ្រោះខាងលើ ថា ស្រីមុំ ឲ្យទៅនៅផ្ទះជាមួយប៉ុន្ដែនាងប្រកែកព្រោះមិនទាន់ស្គាល់ជនសង្ស័យច្បាស់។ ក្រោយមកជនសង្ស័យបានទៅកន្លែងម៉ាស្សាម្ដងទៀត ហើយមានកាន់ថង់មួយ ដាក់ដបសាំងប្រហែល៣លីត្រ និងកាន់ដែកកេះមួយក្នុងដៃ ពេលឃើញ
ដូច្នោះស្រីមុំ បានរត់ចូលក្នុងផ្ទះ ហើយជនសង្ស័យបានដេញតាម និងចាក់សាំងដុតក្នុងផ្ទះតែម្តង ប៉ុន្តែត្រូវបានម្ចាស់ផ្ទះពន្លត់ទាន់ពេលកុំអីអាចអន្តរាយធំ។

ក្នុងហេតុការណ៍នេះ បណ្ដាលឲ្យមនុស្ស២នាក់របួសស្រាល និងខូចខាតសម្ភារៈក្នុងផ្ទះបន្ដិចបន្ទួច ហើយជនសង្ស័យត្រូវបានកម្លាំងអាវុធហត្ថខណ្ឌពោធិ៍សែនជ័យឃាត់ខ្លួនបានភ្លាមៗរួចបានបញ្ជូនទៅសួរនាំ ដើម្បីកសាងសំណុំរឿងចាត់ការតាមច្បាប់៕សិរសា

 

LEAVE A REPLY

Please enter your comment!
Please enter your name here