ហាង​ម៉ាស្សា​កោស​ជប់​បង្គប់​សេវា​ផ្លូវ​ភេទ​នៅ​ផ្លូវ​២០០៤ត្រូវ​កម្លាំង​នគរ​បាល​ក្រសួង​មហាផ្ទៃ​ចាប់​ឃាត់​ខ្លួន​ម្នាក់​នឹង​៦នាក់​ទៀត​រំដោះ​

0
182

 

 

 
ភ្នំពេញ​៖ហាង​ម៉ាស្សា​កោស​ជប់​បង្គប់​សេវា​ផ្លូវ​ភេទ​នៅ​ផ្លូវ​២០០៤​ត្រូវ​កម្លាំង​នគរ​បាល​ក្រសួង​មហាផ្ទៃ​ការិយាល័យ​ប្រឆាំង​ការ​ជួញ​ដូរ​មនុស្ស​និង​អនិតិជន​ចាប់​ឃាត់​ខ្លួន​ជន​សង្ស័យ​ម្នាក់​ជា​មេ​ក្លោង​និង​៦នាក់​ទៀត​ជា​ជន​រង​គ្រោះ​យក​មក​សាក​សួរ​។ហេតុការណ៍​នេះ​បង្ក​អោយ​មាន​ការ​ភ្ញាក់​ផ្អើល​កាលពីវេលា​ម៉ោង​២០:២៥នាទី​យប់​ថ្ងៃ​ទី​២៩ខែ​សីហា​ឆ្នាំ​២០១៧ស្ថិត​នៅ​តាម​បណ្ដោយ​ផ្លូវ​២០០៤ក្នុង​ភូមិ​ត្រពាំង​ល្វា​សង្កាត់​កាកាប​១ខណ្ឌពោធិ៍សែនជ័យ​។
ជន​សង្ស័យ​ជា​មេ​ក្លោង​បើក​ហាង​បម្រើ​សេវា​ផ្លូវ​ភេទ​ត្រូវ​បាន​គេ​ស្គាល់​ឈ្មោះ​ មេ​ សុី​ថា​ភេទ​ស្រី​អាយុ​៣៨ឆ្នាំ​ស្នាក់​នៅ​ក្នុង​ហាង​កើត​ហេតុ​ខាង​លើ​។ចំណែកឯ​ជនរងគ្រោះ​ទាំង​៦នាក់​ត្រូវ​បាន​គេ​ស្គាល់​ ៖១)ឈ្មោះ​ យាន​ សំភាស់​ភេទ​ស្រី​អាយុ​២៣ឆ្នាំ​ ទី​២)​ ឈ្មោះ​ តាវ​ ស្រី​មុំ​ ភេទ​ស្រី​អាយុ​២៥ឆ្នាំ​ ទី​៣)​ឈ្មោះ​ ឡាយ​ ស្រី​ធី​ ភេទ​ស្រី​អាយុ​២៥ឆ្នាំ​ ទី​៤)ឈ្មោះ​ចន​ ស្រី​ប៉ុក​ ភេទ​ស្រី​អាយុ​២៥ឆ្នាំ​ ទី​៥)ឈ្មោះ​ បាត់​ បញ្ញា​ ភេទ​ស្រី​អាយុ​២៤ឆ្នាំ​ ទី​៦)ឈ្មោះ​ ម៉ែន​ សានី​ ភេទ​ស្រី​អាយុ​២១ឆ្នាំ​ បច្ចុប្បន្ន​ស្នាក់​នៅ​ហាង​កើត​ហេតុ​ខាង​លើ​។

តាមប្រភពពត៌មាន​ពី​លោក​ឧត្តម​សេនីយ៍​ត្រី​ សំបូរ​ មាណ្ណារិទ្ធ​ អនុប្រធាន​ការិយាល័យ​ប្រឆាំង​ការ​ជួញ​ដូរ​មនុស្ស​និង​ការ​ពារ​អនិតិជន​នៃ​ក្រសួង​មហាផ្ទៃ​បាន​មាន​ប្រសាសន៍​ថា​ មុន​ពេល​ឈាន​ដល់​ការ​បង្ក្រាប​ជន​សង្ស័យ​មេ​ក្លោង​នឹង​រំដោះ​ជន​រង​គ្រោះ​ចេញ​ហាង​ម៉ាស្សា​កោស​ជប់​បើក​អាជី​វកម្ម​កេង​ប្រវាញ់​​ផ្លូវ​ភេទ​លើ​ស្ត្រី​និង​កុមារ​ លោក​បាន​ស្នើ​សុំ​ឯក​ឧត្តម​ព្រះ​រាជ​អាជ្ញា​អយ្យការ​អម​សាលា​ដំបូង​រាជ​ធានី​ភ្នំពេញ​លោក​ គុជ​ គីម​ឡុង​ ព្រះ​រាជ​រាជ្ញា​រង​ដើម្បី​ចុះ​បង្ក្រាប​ហាង​ម៉ាស្សា​កោស​ជប់​​បំភាន់​ភ្នែក​សមត្ថកិច្ច​ការ​ពិត​លួច​លាក់​ប្រព្រឹត្ត​អំពើ​សញ្ចារ​កម្ម។ហើយ​ក្នុង​នោះ​ ឯក​ឧត្តម​បាន​មាន​ប្រសាសន៍​បន្ត​ទៀត​ថា​ ការ​ចុះ​បង្ក្រាប​នេះ​ធ្វើ​ឡើង​ដោយ​មាន​ការ​ចូល​រួម​ពី​ក្រឡា​បញ្ជីរ​លោក​ព្រះ​រាជ​រាជ្ញា​រង​គុជ​គីម​ឡុង​ កម្លាំង​នគរបាល​ជំនាញ​នៃ​ក្រសួង​មហាផ្ទៃ​ដឹក​នាំ​ដោយ​លោក​ផ្ទាល់​ អង្គ​ការ​មេត្រី​អន្តរជាតិ​ នាយ​ប៉ុស្តិ៍​កាកាប​១​មេ​ភូមិ​ព្រមទាំង​កម្លាំង​នគរបាល​ជា​ច្រើន​ទៀត​។
បច្ចុប្បន្ន​ជន​សង្ស័យ​និង​ជន​រង​គ្រោះ​ត្រូវ​បាន​កម្លាំង​នគរ​បាល​ក្រសួង​មហាផ្ទៃ​នាំ​មក​សាក​សួរ​ដើម្បី​កសាង​សំណុំ​រឿង​បញ្ជូន​ទៅ​កាន់​តុលាការ​ចាត់ការ​តាម​ផ្លូវ​ច្បាប់​។រីឯ​ទី​តាំង​ហាង​បើក​ម៉ាស្សា​កោស​ជប់​នោះ​ត្រូវ​កម្លាំង​នគរ​បាល​និង​ក្រឡា​បញ្ជីរ​របស់​លោក​ព្រះ​រាជ​រាជ្ញា​រង​គុជ​គីម​ឡុង​បិទ​ទ្វារ​ជា​បណ្ដោះ​អាសន្ន​​ដើម្បី​រង​ចាំ​ការ​ដោះ​ស្រាយ​នៅ​ពេល​ក្រោយ​៕សារ៉េត​

 

 

 

LEAVE A REPLY

Please enter your comment!
Please enter your name here