កៃកុងរថយន្តលួចបូមប្រេងលក់ត្រូវម្ចាស់រថយន្តមកទាន់ឃាត់អោយសមត្ថកិច្ច

 

 

ភ្នំពេញ៖​តៃកុងរថយន្ត២នាក់នឹងនាក់លក់ប្រេងម្នាក់ត្រូវបានសមត្ថកិច្ចឃាត់ខ្លួន​ ខណៈ​ដែល​ពួកគាត់កំពុង​លួចបូមប្រេងលក់​ ម្ចាស់ទៅទាន់ឃាត់អោយ​នគរបាល​ប៉ុស្តិ៍​។ហេតុ​ការណ៍​នេះ​បាន​កើត​ឡើង​កាលវេលាម៉ោង ៥នឹង៣០នាទី​ល្ងាច​ថ្ងៃទី១ខែកញ្ញា ឆ្នាំ២០១៧ នៅ មុខខ្លោងទ្វាសាលាបឋមសិក្សាវត្តគោគបញ្ជាន់ ស្ថិត​នៅតាមបណ្ដោយផ្លូវវេងស្រេងក្នុង​ភូមិចោមចៅ​ សង្កាត់​ចោមចៅ​ខណ្ឌពោធិ៍សែន។
ជនសង្ស័យត្រូវបាន​គេ​ស្គាល់​ទី១ឈ្មោះសួង សាន្ត ភេទប្រុសអាយុ ៤០ឆ្នាំមុខរបរបើករថយន្តស្នាក់នៅក្នុងការាស់រថយន្តភូមិភូមត្រពាំងជ្រៃសង្កាត់កាកាបខណ្ឌពោធិ៍សែនជ័យមាស្រុកកំណើតនៅស្រុកគងពិសី ខេត្តកំពង់ស្ពឺ។ទី២ឈ្មោះ​សាយ រតនាភេទប្រុស អាយុ១៩ឆ្នាំមុខរបរបើករថយន្តស្នាក់នៅក្នុង​ការាស់ជាមួយគ្នាមានស្រុកកំណើតនៅស្រុកត្រាំង​កក់​ខេត្តតាកែវ​នឹង​អ្នក​លក់ប្រេងម្នាក់ឈ្មោះ​ សិត សុខហេង ភេទប្រុសអាយុ៣០ឆ្នាំមុខរបរទិញប្រេងតូបនៅមុខសាលាបឋមសិក្សាវត្តគោគផ្លូវវេងស្រេង។

តាម​សម្ដី​បុរស​ជាម្ចាស់រថយន្តបាននិយាយថានៅមុនពេលកើតហេតុ រូបគាត់កំពុង​តែបើករថយន្តគោលបំណងទៅផ្ទះនៅផ្សារដេប៉ូស្រាប់តែឃើញ រថយន្តរបស់គាត់ចំនួន២គ្រឿងកំពុង​ចតនៅតាមបណ្តោយផ្លូវវេងស្រេងដែលនៅចំកន្លែងបូមប្រេងលក់។​ បន្ទាប់មករូបគាត់បានចុះមកមើលហើយឃើញ​អ្នក​ទិញ​និងតៃកុងរថយន្តរបស់គាត់កំពុង​បូមប្រេងលក់​ខណៈ​នោះ​រូបគាត់យកទូរស័ព្ទថតទុក។រួច​រត់​ទៅ​ប្ដឹង​ នគរបាល​ប៉ុស្តិ៍​ចោមចៅ​មកអន្តរាគមន៍ឃាត់តៃកុងរថយន្តរបស់គាត់២នាក់និង​អ្នក​ទិញដែលកំពុង​បូមប្រេងយកមកប៉ុស្តិ៍​នគរបាលរដ្ឋបាលចោមចៅភ្លាមៗផងដែរ។
ក្រោយពេលកើតហេតុខាងលើជនសង្ស័យទាំ៣នាក់​ត្រូវ​នគរបាល​ប៉ុស្តិ៍​សួរនាំចំណែកម្ចាស់រថយន្តបានដាក់បណ្តឹងដើម្បីអោយ​ធ្វើ​តាមច្បាប់​ បន្ទាប់មកនគរបាល​ប៉ុស្តិ៍​ចោមចៅបានកសាងសំណុំរឿងបញ្ជូន​ទៅ​ផ្នែកជំនាញព្រហ្មទណ្ឌខណ្ឌ៕សារ៉េត​

 

 

Leave a Reply

Your email address will not be published. Required fields are marked *