ភ្នំពេញ៖ រថយន្ដ២គ្រឿងបើកបុកគ្នាត្រង់ផ្លូវបំបែកជាបួនបណ្ដាលឲ្យរថយន្ដម៉ាកប៉ាជេរ៉ូខ្ទាតទៅបុកបង្គោលភ្លើងខូចខាតមួយកំណតមុខ។ចំណែកឯរថយន្ដមួយគ្រឿងទៀតមិនស្គាល់ម៉ាករត់គេចខ្លួនបាត់ស្រមោល។ ហេតុការណ៍នេះកើតឡើងកាលពីវេលាម៉ោង៩និង៣០នាទីយប់ថ្ងៃទី២ខែសីហាឆ្នាំ២០១៧នៅត្រង់ចំណុចផ្លូវ១៩៩កែងនិង៣២៨ ក្នុងសង្កាត់ទួលស្វាយព្រៃ១ ខណ្ឌចំការមន ។
ម្ចាស់រថយន្ដបុកបង្គោលភ្លើងមានឈ្មោះ ប៉ោ បូរ៉ាវ៉ាត់ អាយុ៤០ឆ្នាំស្នាក់នៅជិតផ្សារពោធិ៍ចិនតុង សង្កាត់កាកាប ខណ្ឌពោធិ៍សែនជ័យ ។
តាមប្រភពព័ត៌មានពីកន្លែងកើតហេតុបានប្រាប់ឲ្យដឹងថា មុនពេលកើតហេតុគេបានឃើញរថយន្ដមួយគ្រឿងម៉ាក ប៉ាជេរ៉ូពណ៌ទឹកប្រាក់ពាក់ស្លាកលេខ 2w- 4671 ធ្វើដំណើរតាមបណ្ដោយផ្លូវ១៩៩ក្នុងទិសដៅពីជើងទៅត្បូងឡើងទៅតាមផ្លូវ៣២៨ ក្នុងល្បឿងលឿនក្នុងទិសដៅពីលិចមកកើតស្រាប់តែមកដល់ចំណុចកើតហេតុបានបុកគ្នាជាមួយរថយន្តមួយគ្រឿងទៀតពេញមួយទំហឹងបណ្ដាលឲ្យរថយន្ដម៉ាកប៉ាប៉ាជេរ៉ូខ្ទាតទៅបុកបង្គោលភ្លើងរងការខូចខាតផ្នែកខាងមុខ ដោយឡែករថយន្ដម៉ាកហាយលែនឌ័រមិនចាំស្លាកលេខបានបើករត់គេចខ្លួនបាត់ស្រមោលតែម្ដង ។
ក្រោយពេលកើតហេតុនគរបាលជំនាញចរចរាណ៍ផ្លូវគោកបានមកធ្វើការវាស់វែងនិងអូសរថយន្ដទៅរក្សាទុកដោះស្រាយ នៅពេលក្រោយ ដោយបង្គោលភ្លើងជាសម្បត្ដិរបស់រដ្ឋ ៕បញ្ញា