ភ្នំពេញ៖រថយន្ដកូរ៉េដឹកអេតចាយបុកម៉ូតូកូនសិស្សសាលាទូនហ្វាប្រុសស្រី៤នាក់ត្រូវបានរថយន្តដឹកក្រដាសបុកពីក្រោយបណ្ដាលឲ្យបាក់ជើងកុមារីម្នាក់បាក់ជើងនិង៣នាកទៀតរងរបួសស្រាល ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាមោង៥និង៣០នាទីល្ងាចថ្ងៃទី៤ខែកញ្ញាឆ្នាំ២០១៧នៅតាមបណ្ដោយផ្លូវ២១៧សង្កាត់ស្ទឹងមានជ័យ៣ខណ្ឌមានជ័យ។
អ្នកបើកបររថយន្តបង្ករមានឈ្មោះហេង រតនះអាយុ២៥ឆ្នាំមុខរបរបើករថយន្ត ស្នាក់សង្កាត់ចោមចៅ ខណ្ឌពោធិសែនជ័យ។ចំណែកសិស្សសាលាទាំង៤នាក់នោះពុំស្គាល់អត្តសញ្ញាណនោះទេ។
តាមប្រភពព៌ត៌មានពីកន្លែងកើតហេតុបានឲដឹងថា នៅមុនពេលកើតហេតុគេឃើញសិស្សសាលាទាំង៤នាក់នោះជិះម៉ូតូម៉ាកហុងដាឌ្រឹមសេរីឆ្នាំ២០១៥ពណ៌ខ្មៅពាក់ស្លាកលេខ ភ្នំពេញ 1.CU.5012ជិះក្នា៤នាក់កុមារីម្នាក់និងកុមារ៉ា៣នាក់ធ្វើដំណើរតាមបណ្ដោយផ្លូវ២១៧ក្នុងទិសដៅពីជើងទៅត្បួងស្រាប់តែដល់ចំណុចកើតហេតុក៏មានរថយន្តកូរ៉េពណ៌ខៀវពាកស្លាកលេខ ភ្នំពេញ 2.C5646បើកស្របទិសគ្នាមកបុកពីក្រោយបណ្ដាលឲ្យកុមារីម្នាក់បាក់ជើងខាងស្ដាំចំណែកកុមារ៉ាបីនាក់ទៀរងរបួសស្រាល។ភ្លាមៗនោះកុមាទាំង៤នាក់ត្រូវបានប្រជាពលរដ្ឋបានជួយយកទៅសង្គ្រោះក្លីនិចស៊ូគា។
តាមប្រភពដដែលបានបន្តទៀតថារថយន្តខាងលើដឹកសំពីងសំពោងទាំងនោះតែងតែបង្កគ្រោះថ្នាក់ដល់អ្នកធ្វើដំណើរតាមដងផ្លូវជាញឹកញាប់ហើយមិនដែលឃើញមានសមត្ថកិច្ចណាប្រាប់អ្នកបើកឬក៏ណែនាំទៅក្រុមរថយន្តនេះទេ។
ក្រោយពីកើតេហតុគេឃើញនគរបាលមូលដ្ឋានចុះទៅកន្លែងកើតហេតុព្រមទាំងទំនាក់ទំនងទាក់នគរបាលជំនាញចរាចរណ៍ចុះមកធ្វើការវាស់វែងយករថយន្តនិងម៉ូតូទៅរក្សាទុកនៅអធិការដ្ឋាននគរបាលខណ្ឌមានជ័យ ដើម្បីដោះស្រាយគ្នានៅពេលក្រោយ ៕បញ្ញា