ភ្នំពេញ៖ បុរសម្នាក់ត្រូវបានប្រជាពលរដ្ឋទទួលស្វាគមន៍យ៉ាងចាស់ដៃ ខណៈដែលបុរសនោះបានធ្វើសកម្មភាពលួចម៉ូតូរបស់ប្រជាពលរដ្ឋមិនបានសម្រេច។ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៦នឹង៥០នាទីព្រឹកថ្ងៃទី ០៦ ខែ កញ្ញា ឆ្នាំ ២០១៧ ស្ថិតនៅក្នុង បរិវេន្តវត្តតាំងក្រសាំងខាងជើង ក្នុងសង្កាត់ កាកាប ខណ្ឌពោធិ៍សែនជ័យ រាជធានី ភ្នំពេញ។
តាមប្រភពពត៌មានពីកន្លែងកើតហេតុបានអោយដឹងថានៅមុនពេលកើតហេតុបុរសដែលជាម្ចាស់ម៉ូតូបានធ្វើរដំណើរទៅវត្តរួចទុកម៉ូតូមួយភ្លែតដោយមិនបានដកសោរចេញនោះឡើយ។បន្ទាប់មកចូលទៅក្នុងមួយភ្លេតពេលចេញមកវិញក៏ឃើញជនសង្ស័យកំពុងដេបញ្ឆេះម៉ូតូរបស់ខ្លួនបំរុងនឹងជិះយកចេញទៅក៏ម្ចាស់ម៉ូតូបានស្រែកចោរៗក៏ផ្អើលឆោឡោដល់ប្រជាពលរដ្ឋនៅជុំវិញទីនោះហើយប្រជាការពារដែលកំពុងយាមការពារទីនោះក៏ធ្វើការចាប់ឃាត់ខ្លួនបានភ្លាមៗនៅនឹងកន្លែងត្រូវបានប្រជាពលរដ្ឋដែលនៅជុំវិញទីនោះបានទទួលស្វាគមន៍លោកចោរម្នាក់មួយដៃមួយជើងត្រូវយ៉ាងដំណំផងដែរ។
សូមបញ្ជាក់៖លោកចោរដៃស្អិតនេះមានឈ្មោះ ជុំ បញ្ញារិទ្ធ អាយុ ៣៨ មុខរបរមិនពិតប្រាកដ ស្នាក់នៅ សង្កាត់ គោកឃ្លៀង ខណ្ឌ សែនសុខ រាជធានី ភ្នំពេញ។ក្រោយពីបានប្រជាពលរដ្ឋស្វាគមន៍រួចក៏បានក្របួចឲ្យនគរបាលប៉ុស្តិ៍កាកាបដើម្បីចាត់តាមនិតិវិធីច្បាប់៕វាសនាសែនជ័យ