រថយន្តកុងតឺន័របើកឆ្លងផ្លូវបុករថយន្តហ្វត​ខូចមួយចំហៀង​ខ្លួនឯងធ្លាក់ទឹក​ប្រឡាយ​

 

 

 

ភ្នំពេញ៖ រថយន្តកុងតឺន័រមួយគ្រឿងបើកឆ្លងផ្លូវបុករថយន្តហ្វតសេរ៊ីទំនើបខូចមួយចំហៀងជ្រុលធ្លាក់ប្រឡាយទឹកបុករ៉ាស់ដើមឈើបាក់អស់មួយដើម។ហេតុការណ៍​នេះ​បង្កអោយមានការភ្ញាក់ផ្អើលកាលវេលាម៉ោង ៥នឹង៤០នាទីល្ងាចថ្ងៃទី៦ខែកញ្ញា ឆ្នាំ២០១៧ ស្ថិត​តាមបណ្តោយផ្លូវ ជាតិលេខ៤ម្តុំលក់សាច់ក្រក់ស្ថិតនៅភូមិ​ត្រពាំង​គល់សង្កាត់កន្ទោក ខណ្ឌពោធិ៍សែនជ័យ​។

អ្នក​បើក​បរ​រថយន្ត​បង្ក​មិន​ត្រូវ​បាន​គេ​ស្គាល់​ឈ្មោះ​នោះ​ទេ​ ដោយ​ជិះ​រថយន្ត​ប្រភេទ​កុងតឺន័រ ម៉ាកហុី​យ៉ាន់ដាយ ពណ៌ក្រហម ពាក់ស្លាកលេខភ្នំពេញ3B-7773។ចំណែកឯ​អ្នក​បើក​បរ​មិន​ត្រូវ​បាន​គេ​ស្គាល់​ឈ្មោះ​ដូច​គ្នា​ ដោយ​ជិះ​រថយន្ត​ម៉ាក ហ្វតរ៉េងជ័រ​ ពណ៌សពាក់ស្លាកលេខភ្នំពេញ1AP-6918។

តាមប្រភពព័ត៌មានពីកន្លេងកើតហេតុបាននិយាយថា នៅ​មុនពេលកើតហេតុ​គេ​ឃើញ​រថយន្ត​រងគ្រោះម៉ាកហ្វតរ៉េងជ័រ​ពណ៌សបើកបរដោយបុរសម្នាក់នឹងនាក់រួមដំណើរ៤នាក់ទៀតសរុប៥នាក់ក្នុងនោះមានស្រ្តីម្នាក់​បាន​ធ្វើ​ដំណើរ​តាម​បណ្ដោយ​ផ្លូវ​ជាតិ​លេខ​៤ក្នុងទិសដៅពីកើតទៅលិចយ៉ាងលឿន។​លុះ​មក​ដល់​កន្លែង​កើត​ហេតុ​ស្រាប់តែឃើញរថយន្តប្រភេទ​កុងតឺន័របើកបរ​ក្នុង​ទិស​ដៅ​ពីលិចទៅកើតហើយឆ្លងផ្លូវ ខណៈ​នោះរថយន្តហ្វតរ៉េងជ័រខាងលើបានបើកគេចទៅខាងស្តាំរបស់ខ្លួន។ចំណែកឯ​រថយន្តកុងតឺន័របានបើកឆ្លងផ្លូវទាំងល្បឿនលឿន​ក៏​ជ្រុលទៅបុករថយន្ត​រង​គ្រោះ​ចំហៀងខាងឆ្វេងបណ្តាលអោយបើង​ខ្ទាត​ទៅចញ្ចើមផ្លូវម្ខាង។រីឯ​រថយន្ត​បង្ក​បុក​ដើម​អំពិល​ទឹក​បារាំង​ជ្រុលធ្លាក់ប្រឡាយ​ តែ​សំណាង​ល្អ​មិនបង្កអោយគ្រោះថ្នាក់ដល់អាយុជីវិតនណាម្នាក់ឡើយ។
ក្រោយពេលកើតហេតុ​គេ​ឃើញ​កម្លាំង​នគរ​បាល​មូល​ដ្ឋាន​ចុះ​ទៅ​កន្លែង​កើត​ហេតុ​ដើម្បី​ធ្វើ​ចរាចរណ៍​ព្រម​ទាំង​ទំនាក់ទំនង​នគរបាល​ជំនាញចរាចរណ៍ខណ្ឌពោធិ៍សែនជ័យធ្វើការវាស់វែងនឹងយកទៅរក្សាទុករងចាំការដោះស្រាយគ្នា​តាម​ផ្លូវ​ច្បាប់​៕សារ៉េត​

 

 

Leave a Reply

Your email address will not be published. Required fields are marked *