រថយន្តហ៊ីយ៉ាន់ដាយបុកពីក្រោយរថយន្តព្រូសរងការខូចខាតយ៉ាងដំណំ

 
ភ្នំពេញ៖ រថយន្តយីឌុបដឹកទំនិញមួយគ្រឿង បានបើកជ្រុលទៅបុកពីក្រោយរថយន្តព្រូស១គ្រឿងទៀតនៅក្នុង ខណៈដែល​កំពុងបើកបរធ្វើដំណើរក្នុងទិសដៅស្របគ្នា បង្កឲ្យរងការខូចខាតយ៉ាងដំណំ ប៉ុន្តែមិនបានបណ្ដាល ឲ្យមានមនុស្សណាម្នាក់រងគ្រោះដល់ជីវិត ឬក៏រងរបួសនោះឡើយតែបានបង្កឲ្យមានការកកស្ទះចរាចរនៅត្រង់ ចំណុចនោះផងដែរ។
ហេតុការគ្រោះថ្នាក់ចរាចរខាងលើនោះ បានកើតឡើងកាលពីវេលាម៉ោង៨និង៥០នាទីព្រឹក ថ្ងៃទី៧ ខែកញ្ញា ឆ្នាំ២០១៧ នៅលើកំណាត់ផ្លូវជាតិលេខ៤ ត្រង់ចំណុចមុខវិទ្យាល័យហ៊ុន សែនជម្ពូវ័ន ស្ថិតនៅក្នុងភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឲ្យដឹងថា រថយន្តយីឌុបដឹកទំនិញ១គ្រឿងនោះ ម៉ាកហ៊ីយ៉ាន់ដាយពណ៏ស ពាក់ស្លាកលេខតាកែវ3A-1570 បើកបរដោយបុរសមិនស្គាល់អត្តសញ្ណាណចំណែករថយន្តរងគ្រោះ ដោយការបុកពីក្រោយបណ្ដាលឲ្យមានការខូចខាតនោះ ម៉ាកតូយ៉ូតាព្រូសពណ៏ពងមាន់ពាក់ស្លាកលេខភ្នំពេញ 2 AQ-3716 បើកបរដោយស្រ្តីម្នាក់និងអ្នករួមដំណើម្នាក់ទៀតផងដែរ។នៅមុនពេលកើតហេតុរថយន្តទាំងពីរគ្រឿងនោះបានធ្វើដំណើរក្នុងទិសដៅស្របគ្នាពីលិច ទៅកើតដោយរថយន្តព្រូសបើកខាងមុខ ចំណែករថយន្តធុនយក្សនោះបើកតាមពីក្រោយ លុះពេលទៅដល់ត្រង់ចំណុចកើតហេតុ រថយន្តព្រូសបន្ថយល្បឿននិងវៃស៊ីញ៉ូបម្រុងនិងបត់ឆ្លផ្លូវតែមិនទាន់បានបត់ផងព្រោះនៅចំណុចនោះមានយានយន្តផ្សេងៗបើកចេញពីផ្លូវបេតុងរោងចក្រកាត់ដេរឃ្យូអឹមអាយ ឆ្លងកាត់ផ្លូវជាតិលេខ៤ ហើយ ក៏ត្រូវបានរថយន្តយីឌុបនោះបុកពីក្រោយតែម្ដង។ក្រោយពេលកើតហេតុនគរបាលបានចុះទៅសម្រួលចរាចរ និងធ្វើការវាស់វែងនាំយករថយន្តទាំងពីរទៅរក្សាទុកនិងរង់ចាំការដោះស្រាយគ្នានៅពេលក្រោយ៕​វាសនា​សែន​ជ័យ​