ភ្នំពេញ៖ នារី២នាក់ជិះម៉ូតូធូដេមួយគ្រឿងឌុបគ្នាត្រូវជនសង្ស័យមានគ្នា៣នាក់ជិះម៉ូតូ១គ្រឿមកធ្វើសកម្មភាពឆក់កាបូបស្ពាយបានសម្រេចធ្វើអោយដួលរងរបួសដៃជើងហើយក៏ជិះម៉ូតូគេចខ្លួនបាត់ដោយសុវត្តិភាព។ហេតុការណ៍នេះបានកើតឡើកាលពីវេលាម៉ោង២និង១០នាទីរំលងអាធ្រាតឈានចូលថ្ងៃទី១៣ខែកញ្ញាឆ្នាំ២០១៧ នៅចំនុចគល់ស្ពានអាកាសស្ទឹងមានជ័យ សង្កាត់ទន្លេបាសាក់ ខណ្ឌចំកាមន។
តាមប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេបានឃើញនារី២នាក់ជិះម៉ូតូម៉ាកធូដេមួយគ្រឿងធ្វើដំណើរតាមបណ្តោយផ្លូវលេខ២៧១ក្នុងទិសដៅពីត្បូងទៅជើងបំណងឡើងលើស្ពានអាកាសស្ទឹងមានជ័យខណះមកដល់ចំណុចកើតហេតុស្រាប់តែមានជនសង្ស័យមានគ្នា៣នាក់ជិះម៉ូតូហុងដាមួយគ្រឿងមិនចាំស្លាកលេខធ្វើដំណើរមកពីក្រោយហើយបានធ្វើសកម្មភាពឆក់កាបូបស្ពានបានសម្រេចបណ្តាលអោយជនរងគ្រោះដួលម៉ូតូរងរបួសរលាត់ដៃជើងបន្ទាប់មកជនសង្ស័យក៏គេចខ្លួនបាត់ដោយសុវត្តិភាព។
ក្រោយកើតហេតុជនរងគ្រោះក៏បានលើកម៉ូតូបន្តដំណើរទៅផ្ទះដោយមិនបានទៅដាក់ពាក្យបណ្តឹងសមត្ថកិច្ចនោះទេ៕សារ៉េត