ខេត្តព្រះសីហនុ ៖បុរសម្នាក់សង្ស័យស្រវឹងស្រាជិះម៉ូតូធ្លាក់ប្រឡាយបណ្ដាលអោយស្លាប់យ៉ាងអាណោចអាធម៌បង្កអោយមានការភ្ញាក់ផ្អើលដល់ប្រជាពលរដ្ឋកាលពីវេលាម៉ោង០៨:៣០នាទីព្រឹកថ្ងៃទី១៩ខែកញ្ញាឆ្នាំ២០១៧ស្ថិតនៅក្នុងប្រឡាយទឹក ជិតផ្លូវចូលរោងចក្រ យូសុីនចាស់ក្នុងក្រុម2 ភូមិ1 សង្កាត់1 ក្រុង-ខេត្តព្រះសីហនុ។
សាកសពជនរងគ្រោះពុំត្រូវបានគេស្គាល់អត្តសញ្ញាណនូវឡើយទេដោយជិះម៉ូតូម៉ាក Honda Click ពណ៌ឈាមជ្រូក ពាក់ស្លាកលេខ ភ្នំពេញ 1AP-2126។
តាមប្រភពព័ត៌មានពីពីកន្លែងកើតហេតុបានអោយដឹងថា នៅមុនពេលមានការភ្ញាក់ផ្អើលដែលប្រទះឃើញសាកសពជនរងគ្រោះដេកស្លាប់នៅក្នុងប្រឡាយ ខណៈដែលមានប្រជាពលរដ្ឋជិះម៉ូតូឆ្លងកាត់កន្លែងកើតហេតុ ក៏បង្កអោយមានការភ្ញាក់ផ្អើលដល់ប្រជាពលរដ្ឋផ្សេងទៀតចោមរោមមើលសាកសពជនរងគ្រោះដេកស្លាប់នៅក្នុងប្រឡាយ។
ក្រោយពីកើតកម្លាំងនគរបាលមូលដ្ឋានសហការជាមួយកម្លាំងកងរាជអាវុធហត្ថក្រុងចុះទៅកន្លែងកើតហេតុដើម្បីត្រួតពិនិត្យ។
តាមការពិនិត្យរបស់សមត្តកិច្ចបច្ចេកទេសវិទ្យាសាស្ត្រទៅលើសាកសព និងស្លាកស្នាមម៉ូតូ នៅកន្លែងកើតហេតុ បានឲ្យដឹងថាសាកសពជនរងគ្រោះស្លាប់ដោយសារគ្រោះថ្នាក់ចរាចរណ៍ បុកឃឿនប្រឡាយទឹកដួលស្លាប់ដោយខ្លួនឯងពិតប្រាកដមែន ។
បច្ចុប្បន្នសាកសពត្រូវបានកម្លាំងនគរបាលមូលដ្ឋានប្រគល់ទៅអោយឲ្យក្រុមហ៊ុន ញ៉ូវស្តារ ចាត់ចែងបន្ត រីឯវត្ថុតាង ម៉ូតូកម្លាំងនគរបាលចរាចរណ៍យកទៅរក្សាទុកនៅការិយាល័យនគរបាលចរាចរណ៍ផ្លូវគោក៕សារ៉េត