ជន​សង្ស័យ​ម្នាក់​ត្រូវ​កម្លាំង​នគរ​បាល​ប៉ុស្តិ៍​ចាប់​ឃាត់​ខ្លួន​ ខណៈ​ដែល​ឆែក​ឆេរ​ឃើញ​អាវុធ​ជាតិ​ផ្ទុះ​

0
183

 

 
ភ្នំពេញ​៖ជន​សង្ស័យ​ម្នាក់​ត្រូវ​កម្លាំង​នគរ​បាល​ប៉ុស្តិ៍​ចាប់​ឃាត់​ខ្លួន​ ខណៈ​ដែល​ជិះម៉ូតូ​មាន​អាវុធ​កែឆ្នៃ​ខុស​ច្បាប់​នៅ​ជាប់​នឹង​ខ្លួន​។ហេតុការណ៍​នេះ​បាន​ធ្វើ​ឡើង​កាលពីវេលា​ម៉ោង​ ២២:៣០នាទីយប់​ថ្ងៃទី​២១ខែ​កញ្ញា​ឆ្នាំ​២០១៧​ស្ថិត​នៅ​ចំនុចផ្លូវរថភើ្លងក្រុមទី១ ក្នុង​ភូមិបាក់ទូក សង្កាត់ទួលសងែ្ក​ខណ្ឌ​ឬស្សី​កែវ​។

ជន​សង្ស័យ​ដែល​ត្រូវ​កម្លាំង​នគរ​បាល​ឃាត់​ខ្លួន​នោះ​ឈ្មោះ​ លី គឹមលៀង ភេទប្រុស អាយុ៣២ ឆ្នាំ មានទីលំនៅផ្ទះលេខ១៨១ ផ្លូវ៨០ ភូមិ២៣ សង្កាត់ស្រះចក ខណ្ឧដួនពេញ ក្រុងភ្នំពេញ មុខរបរជាងភើ្លង​។

​តាម​ប្រភព​ព័ត៌មានពី​កម្លាំង​នគរ​បាល​ម្នាក់​សុំ​មិន​បញ្ចេញ​ឈ្មោះ​បាន​អោយ​ដឹង​ថា​ នៅ​មុន​ពេល​ឈាន​ដល់​ការ​ចាប់​ឃាត់​ខ្លួន​ ជនសង្ស័យបានជិះម៉ូតូមួយគ្រឿងម៉ាក់ស្កុបពីពណ៌​ទឹកសមុទ្រលាយសពាក់​ស្លាក​លេខក្លែងក្លាយភ្នំពេញ 1AB 6712 ទៅ​ដំណើរ​ចេញពីផ្ទះសំដៅទៅ​កន្លែង​ឃាត់​ខ្លួន​ ខណៈ​នោះ​កម្លាំង​នគរ​បាល​ប៉ុស្តិ៍​ធ្វើ​ការ​ត្រួតពិនិត្យក៏បានរកឃើញអាវុធកែច្នៃចំនួន០១ដើមនៅក្នុងអាវរបស់ជនសង្ស័យនឹងគ្រាប់ចំនួន១គ្រាប់។ បន្ទាប់មកកម្លាំងនគរបាល​នាំខ្លួនជនសង្ស័យមកកាន់ប៉ុស្តិ៍ទួលសង្កែដើម្បីសាកសួរ។

បច្ចុប្បន្ន​នេះ​ជន​សង្ស័យ​ត្រូវ​បាន​កម្លាំង​នគរ​បាល​ប៉ុស្តិ៍​កំពុង​សាក​សួរ​ដើម្បី​ស្វែង​រក​បក្ខ​ពួក​យក​មក​ផ្ដន្ទាទោស​ ព្រម​ទាំង​កសាងសុំណុំរឿងបញ្ចូនទៅ​កាន់​អធិការ​ខណ្ឌ​ចាត់ការ​តាម​ផ្លូវ​ច្បាប់​៕សារ៉េត​

 

 

 

LEAVE A REPLY

Please enter your comment!
Please enter your name here