ភ្នំពេញ៖មានករណីគ្រោះថ្នាក់ចរាចណ៍មួយបានកើតឡើង ខណៈដែលមានរថយន្តបុកម៉ូតូបន្តកន្ទុយគ្នាបីទៅបួនគ្រឿងបានបង្កអោយមានការភ្ញាក់ផ្អើល។ហេតុការណ៍នេះបានកើតឡើងកាលពីវេលាម៉ោង១៧:០០នាទីល្ងាចថ្ងៃទី២៥ខែកញ្ញាឆ្នាំ២០១៧ស្ថិតនៅតាមបណ្តោយផ្លូវម៉ៅសេទុងក្នុងសង្កាត់ផ្សារដេប៉ូ២ខណ្ឌទួលគោក។
តាមប្រភពព័ត៌មានពីពីកន្លែងកើតហេតុបានអោយដឹងថា នៅមុនពេលកើតហេតុគេឃើញបុរស2នាក់បើករថយន្តម៉ាកលុចសីស330មួយគ្រឿងពាក់ស្លាកលេខភ្នពេញ2Ak 8657បើកបរក្នុងស្ថានភាពស្រវឹងបុកម៉ូតូគេបីទៅបួនគ្រឿងពីក្រោយហើយរថយន្តនោះក៏បានទៅ៎បុករថយន្តមួយគ្រឿងទៀតបានបណ្តាលអោយទៅបុកម៉ូតូមួយគ្រឿងទៀតរងរបួសធ្ងន់ទើបឈប់។
តាមប្រភពដដែលបានបន្តទៀតថា រថយន្តបង្កខាងលើបើកបោះពួយយ៉ាងលឿនពេលនោះអ្នកបើករថយន្តជាន់ហ្វ្រាង់មិនទាន់ក៏ទៅបុកម៉ូតូបីទៅបួនគ្រឿងបានបណ្ដាលអោយជនរងគ្រោះបោកក្បាលទៅនឹងថ្នល់ពីរទៅបីនាក់ទៀតរងរបួសស្រាល។
ក្រោយពេលកើតហេតុគេឃើញកម្លាំងនគរបាលមូលដ្ឋានចុះមកធ្វើចរាចរណ៍ព្រមទាំងទំនាក់ទំនងទៅនគរបាលជំនាញនៃស្នងការរាជធានីភ្នំពេញយករថយន្តបង្កហេតុនឹងជនបង្ករួមនឹងម៉ូតូជនរងគ្រោះដើម្បីយកទៅរក្សាទុករងចាំការដោះស្រាយទៅតាមនិតិវិធីច្បាប់៕សារ៉េត