ភ្នំពេញ៖ អគ្គីភ័យមួយបានកើតឡើងបង្កឲ្យមានការភ្ញាក់ផ្អើលដល់សមត្ថកិច្ចនិងរថយន្តពន្លត់អគ្គីភ័យចេញមកជួយអន្តរាគមន៍ ខណៈដែលម្ចាស់បន្ទប់ជួលកំពុងដាក់ដាំបាយនិងចង្ក្រានហ្គ្រាសហើយដោយសារតែម៉ូតូរបស់គាត់ទុកក្នុងបន្ទប់ហៀរសាំងបណ្តាលអោយឆាបឆេះតែម្តង។ហេតុការណ៍នេះបានកើតឡើងកាលពីវេលាម៉ោង៧និង៤០នាទីព្រឹកថ្ងៃទី២៧ខែកញ្ញាឆ្នាំ២០១៧នៅចំណុចបន្ទប់ជួលលេខ៤ផ្លូវ១៩៧២ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
បុរសម្នាក់ឈ្មោះ ជួន ពន្លក អាយុ២៧ឆ្នាំមានមុខរបរប្រធានគ្រប់គ្រងដឹកជញ្ជួនកាហ្វេក្រុមហ៊ុនឯកជនដែលជាម្ចាស់បន្ទប់ជួលកន្លែងកើតហេតុបាននអោយដឹងថា នៅមុនពេលកើតហេតុរូបគាត់បានដាក់ដាំបាយនិងចង្ក្រាន់ហ្គ្រាសហើយក៏ចូលទៅក្នុងបន្ទប់ទឹកស្រាប់តែចេញមកវិញក៏ឃើញអណ្តាតភ្លើងឆាបឆេះឡើង។បន្ទាប់មកសង្ស័យតែឆាបចេញពីម៉ូតូរបស់គាត់ពេលមើលទៅឃើញម៉ូតូគាត់មានហៀរសាំងតិចៗចេញមកខាងក្រៅតែគាត់មិនបានចាប់អារម្មណ៍ទើបបណ្ដាលអោយឆេះបែបនេះ។
តាមប្រភពព័ត៌មានពីកម្លាំងនគរបាលខណ្ឌដែលចុះជួយអន្តរាគមន៍បានអោយដឹងថា មូលហេតុដែលនាំអោយមានអគ្គីភ័យកើតឡើងនេះគឺបណ្តាលមកពីម្ចាស់បន្ទប់ជួលដាក់ដាំបាយហើយមិនបានមើលថាម៉ូតូនៅក្នុងបន្ទប់នោះមានហៀរសាំងទើបបណ្តាលអោយឆាបឆេះនេះ។
តាមប្រភពដដែលបានបន្តថាសម្ភារៈខូចខាតមាន ម៉ូតូ១គ្រឿង កុំព្យូទ័រ១គ្រឿង ទូរស័ព្ទដៃ១គ្រឿង និងសម្លៀកបំពាក់មួយចំនួន។ ករណីនេះប្រើប្រាស់រថយន្តពន្លត់អគ្គីភ័យជួយបាញ់ពន្លត់អស់២គ្រឿងហើយរលត់ទៅវិញនៅម៉ោង៨និង២០នាទីព្រឹក៕វាសនាសែនជ័យ