បើករថយន្តមិនគោរពភ្លើងស្តុប​បុករថយន្តមួយគ្រឿងទៀតព្យាយាមបើករត់ត្រូវរថយន្តសង្គ្រោះឃាត់ជាប់

 

 

 
ភ្នំពេញ៖​ រថយន្តតាក់សុីមួយគ្រឿងកំពុងឈប់ស្តុបស្រាប់តែមានរថយន្តកាមរីឆ្លាមមួយគ្រឿងបើកបរដោយបុរសម្នាក់សង្ស័យស្រវឹងស្រាធ្វើដំណើរមកពីក្រោយក្នុងល្បឿនលឿនក៏ជ្រុលបុកគូទរថយន្តតាក់សុីបណ្តាលអោយរងការខូចខាតហើយព្យាយាមបើករថយន្តតែត្រូវក្រុមរថយន្តរងគ្រោះដេញឃាត់ជាប់។ហេតុការណ៍នេះបានកើតឡើងកាលពីវេលាម៉ោង១០និង១០នាទីយប់ថ្ងៃទី២៦ខែកញ្ញាឆ្នាំ២០១៧​ នៅចំណុចស្តុបផ្លូវបំបែកជា៥កែងនិងផ្លូវលេខ២៧១​ ស្តិតក្នុងសង្កាត់ទំនប់ទឹក​ ខណ្ឌចំកាមន។
​ តាម​ប្រភព​ព័ត៌មានពី​កន្លែង​កើតហេតុបានអោយដឹងថា​នៅមុនពេលកើតហេតុគេបានឃើញរថយន្តតាក់សុី​ម៉ែត្រ​ មួយគ្រឿងធ្វើដំណើរតាមបណ្តោយផ្លូវលេខ២៧១​ក្នុងទិសដៅពីត្បូងទៅជើងខណះមកដល់ចំណុចកើតហេតុដោយសាតែរងចាំស្តុបក្រហមពេលកំពុងឈប់ស្រាប់តែមានរថយន្តម៉ាកកាមរីឆ្លាមមួយគ្រឿង​ ពណ៍ក្រហម​ ពាក់ស្លាកលេខភ្នំពេញ2S 2267 បើកបរដោយបុរសម្នាក់ទំនងជាស្រវឹង​ធ្វើដំណើរមកពីក្រោយក្នុងល្បឿនលឿនក៏ជ្រុលបុកគូទរថយន្តតាក់សុីបណ្តាលអោយរងការខូចខាតបន្តិចបន្តួចភ្លាមនោះរថយន្តបង្កបានព្យាយាមបើករត់បានចំងាយ៣០០ម៉ែត្រក៏ត្រូវក្រុមរថយន្តរងគ្រោះដេញឃាត់បានភ្លាមៗ។
​ ក្រោយកើតហេតុសមត្ថកិច្ចបានចុះមកដល់ចំណុចកើតហេតុនិងធ្វើការសម្របសម្រួលភាគីទាំងសងខាង​ បន្ទាប់ភាគីខាងរថយន្តរងគ្រោះទាមទាសំណងចំនួន១០០ដូល្លារតែភាគីខាងរថយន្តបង្កសុំសម្រួលគ្នាត្រឹម៩០ដូល្លារ​ហើយជនរងគ្រោះក៏ព្រមទទួលដោយបញ្ចប់រឿងនៅកន្លែងកើតហេតុតែម្តង​៕សារ៉េត​