ភ្នំពេញ៖ នារីវ័យជំទង់ម្នាក់លោតពីលើផ្ទះល្វែងដែលមានកំពស់២ជាន់ធ្លាក់មកដល់ដីស្លាប់បាត់បង់ជីវិតតូចចិត្តនឹងមានជំងឺប្រចាំកាយ(សរសៃប្រាសាធ)។ហេតុការណ៍ភ្ញាក់ផ្អើលនេះបានកើឡើងកាលពីម៉ោង៦និង២០នាទីព្រឹក ថ្ងៃទី២៨ ខែកញ្ញា ឆ្នាំ២០១៧ នៅចំណុចផ្ទះល្វែងលេខ៧ក ផ្លូវ៣បេ ក្រុម២ ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ រាជធានីភ្នំពេញ។
សាកសពនារីជនរងគ្រោះមានឈ្មោះ ហ៊ុន លីយ៉ានុត ភេទស្រីអាយុ២៣ឆ្នាំមុខរបរនៅផ្ទះភូមិបុលតាផង់ ឃុំត្រពាំងក្រញួង ស្រុកត្រាំកក់ ខេត្តតាកែវ។
តាមប្រភពព័ត៌មានពីបុរសម្នាក់ឈ្មោះ សួង សុខា អាយុ៥៣ឆ្នាំដែលជាម្ចាស់ផ្ទះនិងត្រូវជាពូរបស់នារីរងគ្រោះបានអោយដឹងថានៅមុនពេលកើតហេតុកាលពីថ្ងៃទី២៧ខែកញ្ញាឆ្នាំ២០១៧ គាត់បានធ្វើពិធីបុណ្យគំរប់៧ថ្ងៃអោយម្តាយរបស់គាត់ដែលត្រូវយាយរបស់នារីរងគ្រោះនៅវត្តទឹកថ្លាហើយពេលធ្វើបុណ្យរួចក៏ហៅអោយមកសំរាកនៅផ្ទះគាត់មួយយប់សិនស្អែកឡើងចាំទៅស្រុកវិញ លុះព្រឹកឡើងស្រាប់តែជួបហេតុការបែបនេះកើតឡើងតែម្តង។
តាមប្រភពព័ត៌មានពីស្ត្រីឈ្មោះ តូច វណ្ណឌី អាយុ៤៥ឆ្នាំត្រូវជាម្តាយបង្កើតរបស់នារីរងគ្រោះបានអង្គុយយំអោបសពកូនស្រីទាំងសោកស្តាយថា កូនស្រីគាត់មានជំងឺប្រចាំកាយនេះជាច្រើនឆ្នាំមកហើយៗគាត់បាននាំទៅព្យាបាលដែតែមិនជាសោះគាត់បញ្ជាក់ថានៅស្រុកអោយតែជំងឺនេះរើម្តងៗកូនគាត់រត់ទៅរត់មកផ្អើលអ្នកជិតខាងនាំគ្នាជួយចាប់ទំរាំដឹងខ្លួនវិញ។ទើនៅថ្ងៃទី២៧ខែកញ្ញាឆ្នាំ២០១៧គាត់ត្រូវឡើងមកភ្នំពេញដើម្បីធ្វើបុណ្យគំរប់៧ថ្ងៃអោយម្តាយនៅវត្តទឹកថ្លាហើយដោយគ្មានអ្នកណានៅមើលថែកូនគាត់(សព)ទើបយកមកជាមួយ រហូតពេលធ្វើបុណ្យរួចក៏មកសំរាកនៅផ្ទះបងថ្លៃ(កន្លែងកើតហេតុ)មួយយប់សិនថាស្អែកទើចេញដំណើរទៅស្រុកវិញស្រាប់តែព្រឹកឡើងគាត់រវល់ចូលបន្ទប់ទឹកក៏ឮសំលេងផាំងលើយ៉ាកសង្ក័សីគាត់ស្ទុះចេញមកមើលឃើញកូនស្រីធ្លាក់ដល់ដីស្លាប់បាត់បង់ជីវិតទៅហើយ។
ក្រោយកើតហេតុគេឃើញកម្លាំងនគរបាលជំនាញចុះមកធ្វើត្រួតពិនិត្យឃើញថាសាកសពពិតជាស្លាប់ដោយលោតសម្លាប់ខ្លួនពីលើផ្ទះដោយខ្លួនឯងពិតប្រាកដមែនដោយមិនជាប់ពាក់ព័ន្ធនិងអំពើឃាត្តកម្មអ្វីនោះទេ។
បច្ចុប្បន្ននេះសាកសពជនរងគ្រោះបានកម្លាំងនគរបាលប្រគល់ក្រុមគ្រួសារដឹកយកទៅធ្វើបុណ្យតាមប្រពៃណីនៅឯស្រុកកំណើត៕វាសនាសែនជ័យ