ឧត្តរមានជ័យ៖ មានការភ្ញាក់ផ្អើលមួយ កើតឡើងកាលពូវេលាម៉ោង១យប់ឈានចូលថ្ងៃទី១២ ខែតុលា ឆ្នាំ២០១៧ នៅមានករណីចង ក ធ្វើអត្តឃាតសម្លាប់ខ្លួន នៅចំណុចផ្ទះរបស់សាកសព ដែលស្ថិតនៅក្នុង ភូមិឈើក្រំ សង្កាត់កូនគ្រៀល ក្រុងសំរោង ខេត្តឧត្តរមានជ័យ ។
ជនរងគ្រោះមាន ឈ្មោះ ស្គុន សៀវ ភេទប្រុស អាយុ ៣៦ឆ្នាំ ស្រុកកំណើត នៅភូមិម៉ោង ឃុំម៉ោង ស្រុកស្រីស្នំ សៀមរាប បច្ចុប្បន្ន រស់នៅភូមិកើតហេតុខាងលើ មុខរបរកសិករ ប្រពន្ធមាន ឈ្មោះ មន ហែន អាយុ ៣៣ឆ្នាំ មានកូនក្នុងបន្ទុក០១នាក់។
តាមការឲ្យដឹងពីសមត្ថកិច្ចថាជនរងគ្រោះមានទំនាស់ពាក្យសម្តីជាមួយប្រពន្ធ ដោយសារបុរសជាប្តី ឧស្សាហ៌ដើរផឹកស៊ីរៀងរាល់យប់ ទើបប្រពន្ធស្តីបន្ទោស មានការខឹងជាមួយប្រពន្ធ ក៏សម្រាចចិត្តចង ក ធ្វើអត្តឃាត សម្លាប់ខ្លួនតែម្តងទៅ។
ក្រោយពីទទួលបានព័ត៏មាន នាយប៉ុស្តិនគរបាលសង្កាត់កូនគ្រៀល បានសហការជាមួយលោកមេភូមិ ធ្វើការចុះទៅត្រួតពិនិត្យរួចរាល់ ក៏ប្រគល់សពជូនសាច់ញាត្តិយកទៅធ្វើបុណ្យតាមប្រពៃណី៕ សម្បត្តិ
