ចាប់​តែ​អ្នក​ស៊ី​ឈ្នួលតូចតាច​ មេ​ធំ​មិន​ហ៊ាន​ចាប់​រឿង ល្បែង​​​កន្ទុយ​​​លេខ​

0
223

 

 

 

 

ភ្នំពេញ៖ នៅ​ថ្ងៃ​ទី​១៥ខែ​តុលា​ឆ្នាំ​២០១៧ កម្លាំងនគរបាលព្រហ្មទណ្ឌខណ្ឌដែល​មាន​កិច្ច​សហកា​ល្អ​ជា​មួយ​កម្លាំងគណៈ​ឯក​ភាព ខណ្ឌ​មានជ័យ​បាន​ចុះ​ចាប់​អ្នក​ស៊ី​ឈ្នួល​កត់​កន្ទុយ​(កូន​កញ្ចែង​)​ម្នាក់​នៅ​ចំណុច​ផ្ទះលេខ០៣B ភូមិឬស្សី សង្កាត់​ស្ទឹងមានជ័យ ខណ្ឌ​មាន​ជ័យ ក្រោម​​ក្រសែ​ភ្នែក​មហា​ជន​រិះគន់​ថា ទី​តាំង​ល្បែង​កត់​ឆ្នាត​ធំ​ៗ​រាប់​រយ​រាប់​ពាន់​កន្លែង​នៅ​ក្នុង​រាជធានី​ភ្នំពេញ​មិន​ត្រូវ​បង្ក្រាប ។

អ្នក​ស៊ី​ឈ្នួល​កត់​កន្ទុយ​លេខ​ដែល​នគរបាល​ព្រហ្មទណ្ឌនិងគណៈឯកភាពខណ្ឌមានជ័យចុះឃាត់ខ្លួន​មាន​ឈ្មោះ ទិន ស៊ីថា ឬ ម៉ាប់ ភេទប្រុសអាយុ​៥៨​ឆ្នាំ​ស្នាក់នៅ ផ្ទះលេខ០៣B ភូមិឬស្សី សង្កាត់​ស្ទឹងមានជ័យ ខណ្ឌ​មាន​ជ័យ ។

បើតាម​សម្ដីជនជាប់ចាទ​ជាអ្នក​ស៊ី​ឈ្នួល​កត់​ឆ្នោត​បាន​ឲ្យ​ដឹង​ថា​កន្លង​មក​​ជន​ជាប់​ចោទ​រូប​នោះ​បាន​ស៊ី​ឈ្នួ​លកត់​ឲ្យ​មេ​ធំ​ម្នាក់​ដោយ​មិន​បញ្ចេញឈ្មោះនិង​ជា​អ្នក​ធំ​អង្គុយ​ចាំ​បង់​លុយ​ប្រចាំ​ខែ​មិន​ឲ្យ​កម្លាំង​ខាង​ណា​ចុះ​មក​បង្ក្រាប​ទេ ក្រោយ​មក​ជន​ជាប់​ចោទ​បាន​ឈប់​ស៊ី​ឈ្នួល​កត់​ឲ្យ ហើយ​បាន​ទៅ​ស៊ី​ឈ្នួល​កត់​ឲ្យ​អ្នក​មេ​ផ្សេង ទើប​មាន​កម្លាំង​សមត្ថកិច្ច​សហការ​ជា​មួយ​និង​គណៈ​ឯក​ភាព​ខណ្ឌ​ចុះ​មក​បង្ក្រាប​និង​ឃាត់​ខ្លួន​រូបគាត់​តែ​ម្ដង ។​ចំពោះ​បញ្ហានេះមិន​អាច​​ទំនាក​ទំនង​សុំការ​បំភ្លឺ​បាន​ឡើយ​ជុំ​វិញ​ការ​ចោទ​ប្រកាន់​បែប​នេះ ។

គួរបញ្ជាក់ថា កាលពីថ្ងៃទី១៥ខែតុលាឆ្នាំ០១៧​កម្លាំងគណៈបញ្ជាការឯកភាពខណ្ឌមានជ័យដឹកនាំដោយលោក ឌី​​ រ័ត្នខេមរុន ជាអភិបាល រងខណ្ឌមានជ័យ បានចុះបង្ក្រាបកន្លែង​សីុ​ឈ្នួលកត់ឆ្នោតមួយកន្លែងនៅចំណុច ផ្ទះ​លេខ​០៣B ភូមិឬស្សី សង្កាត់​ស្ទឹងមានជ័យ ខណ្ឌ​មាន​ជ័យ ៕បញ្ញា​

 

 

 

LEAVE A REPLY

Please enter your comment!
Please enter your name here