ភ្នំពេញ៖ ស្ត្រីជាមេក្លោងជួញដូរសារធាតុញៀនម្នាក់ក្នុងចំណោមបក្ខពួក២នាក់ត្រូវកម្លាំងកងរាជអាវុធហត្ថខណ្ឌពោធិ៍សែនជ័យចាប់ឃាត់ខ្លួន ខណៈដែលជនសង្ស័យកំពុងធ្វើសកម្មភាពចែកចាយគ្រឿងញៀនដ៏ល្បីនៅក្នុងខណ្ឌ។ហេតុការណ៍បង្ក្រាបនេះបានធ្វើឡើងកាលពីវេលាម៉ោង២២៖៣០នាទីយប់ថ្ងៃទី១៦ខែតុលាឆ្នាំ២០១៧ស្ថិតនៅភូមិត្រពាំងក្រសាំងសង្កាត់ត្រពាំងក្រសាំងខណ្ឌពោធិ៍សែនជ័យ។
តាមប្រភពព័ត៌មានពីលោកវរសេនីយ៍ត្រី សើន កែវសុវណ្ណធី មេបញ្ជាការរងខណ្ឌពោធិ៍សែនជ័យបានអោយដឹងថា នៅមុនពេលឈានដល់ការចាប់ឃាត់ខ្លួនជនសង្ស័យម្នាក់ឈ្មោះ ជឹម ស្រីលាភ ភេទស្រី អាយុ ២៤ឆ្នាំបច្ចុប្បន្នស្នាក់នៅបន្ទប់ជួលភូមិកើតហេតុខាងលើ មានស្រុកកំណើតនៅភូមិព្រៃព្រាលឃុំកុមាររាជាស្រុកបាទី ខេត្តតាកែវ ពីបទចែកចាយគ្រឿងញៀន។ដោយដកហូតសំភារះរួមមាន៖
1-ម៉ូតូមួយគ្រឿងម៉ាកស្មសវី ពណ៌ខ្មៅពាក់ស្លាកលេខ1 AX 2586 ភ្នំពេញ
2- ម្សៅក្រាម ស 02កញ្ចប់តូច
3-ក្បាលដបចំនួន01និងទុយោចំនួន4ដែលជាសំភារះសម្រាប់ប្រើប្រាស់គ្រឿងញៀន
4-ទូរស័ព្ចចំនួន 04(LG1,Samsung1,
Nokiaចុចពិល2)
5-លុយខ្មែរចំនួន10មុឺនរៀលនិងលុយដុល្លាចំនួន15$។
តាមប្រភពដដែលបានបន្តទៀតថា ការចាប់ឃាត់ខ្លួនជនសង្ស័យនេះកម្លាំងកងរាជអាវុធហត្ថបានចេញល្បាតនៅក្នុងមូលដ្ឋានដើម្បីការពារបទល្មើសកុំអោយកើតមានឡើងលោកដឹកនាំដោយក្រោយការបញ្ជារផ្ទាល់ពីលោកវរសេនីយ៍ឯក ជឹម រិទ្ធីមេបញ្ជាការខណ្ឌ រហូតឃើញមុខសញ្ញាចំនួន២នាក់ប្ដីប្រពន្ធកំពុងធ្វើសកម្មភាពចែកចាយគ្រឿងញៀនស្ថិតនៅខាងក្រោយតារាងបាល់មួយកន្លែងក្នុងភូមិអង្គសង្កាត់ចោមចៅក៏ចាប់បានតែជនសង្ស័យម្នាក់ជាប្រពន្ធចំណែកឯប្ដីរត់គេចខ្លួនបាត់ស្រមោល។
បច្ចុប្បន្ននេះជនសង្ស័យត្រូវកម្លាំងកងរាជអាវុធហត្ថខណ្ឌពោធិ៍សែនជ័យកំពុងសាកសួរនិងកសាងសំណុំរឿងបញ្ជូនទៅកាន់បញ្ជាការរដ្ឋាកងរាជអាវុធហត្ថរាជធានីភ្នំពេញដើម្បីចាត់ការបន្ត៕សារ៉េត