ភ្នំពេញ ៖ កម្លាំងចម្រុះនៃគណៈបញ្ជាការឯកភាពខណ្ឌច្បារអំពៅ ដឹកនាំដោយលោក ណុប ផា អភិបាលរង រួមមានកម្លាំងសាលាខណ្ឌ នគរបាលខណ្ឌ កងរាជអាវុធហត្ថខណ្ឌ កម្លាំងសាលាសង្កាត់ និងនគរបាលប៉ុស្តិ៍ច្បារអំពៅ២ បានប្រតិបត្តិការបង្ក្រាបទីតាំងលួចបើកលេងល្បែងខុសច្បាប់មួយកន្លែង(ប្រភេទហ្គេមបាញ់ត្រី) នារសៀលថ្ងៃទី១៧ ខែតុលា ឆ្នាំ២០១៧ នៅផ្ទះ២៩៦ ផ្លូវលេខ៣ ភូមិដើមចាន់ សង្កាត់ ច្បារអំពៅទី២ ខណ្ឌច្បារអំពៅ។
អធិការរងនគរបាលខណ្ឌច្បារអំពៅលោកវរសេនីយ៍ទោ ម៉ៅ សឿត បានឲ្យដឹងថាក្នុងប្រតិបត្តិការខាងលើសមត្ថកិច្ចបានឃាត់ខ្លួនជនសង្ស័យ១០នាក់រួមមានៈ ទី១-ឈ្មោះ ចាន់ សុខុម ភេទស្រី អាយុ៣០ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះ៣៨ ភូមិ៣ សង្កាត់មនោរម្យ ខណ្ឌ៧មករា, ទី២-ឈ្មោះ ពិន និមល ភេទស្រី អាយុ ២៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួល សង្កាត់ផ្សារដើមថ្កូវ ខណ្ឌចំការមន, ទី៣-ឈ្មោះ ទូច សំបូរ ភេទប្រុស អាយុ២៣ឆ្នាំ ជនជាតិខ្មែរ មុខរបរនិស្សិត ស្នាក់នៅផ្ទះ១២១ ផ្លូវ៣៦៩ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ, ទី៤-ឈ្មោះ ហង្ស វិចិត្រ ភេទប្រុស អាយុ២៧ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះA១១ ផ្លូវ៣៦៩ ភូមិដើមចាន់ សង្កាត់ ច្បារអំពៅទី២ ខណ្ឌច្បារអំពៅ, ទី៥-ឈ្មោះ ប្រុស ស្រីមាស ភេទស្រី អាយុ ៣០ឆ្នាំ ជនជាតិខ្មែរ មុខរបរលក់បាយ ស្នាក់នៅភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ, ទី៦-ឈ្មោះ អឿ សុភា ភេទស្រី អាយុ២៤ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះ១០២ ភូមិតាងៅ សង្កាត់និរោធ ខណ្ឌច្បារអំពៅ, ទី៧-ឈ្មោះយឹម ស្រីនី ភេទស្រី អាយុ២៩ឆ្នាំ ជនជាតិខ្មែរ មុខរបរគ្មាន ស្នាក់នៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ, ទី៨-ឈ្មោះ គីម សុធារិទ្ធ ភេទប្រុស អាយុ២២ឆ្នាំ ជនជាតិខ្មែរ មុខរបរលក់ដូរ ស្នាក់នៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ, ទី៩-ឈ្មោះ រស់ ម៉ាឡៃ ភេទប្រុស អាយុ២៥ឆ្នាំ ជនជាតិខ្មែរ មុខរបរគ្មាន ស្នាក់នៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ, និងទី១០-ឈ្មោះ សូ គង្គា ភេទប្រុស អាយុ៣២ឆ្នាំ ជនជាតិខ្មែរ មុខរបររត់ម៉ូតូឌុប ស្នាក់នៅផ្ទះគ្មានលេខ សង្កាត់ផ្សារដើមថ្កូវ ខណ្ឌចំការមន។
លោកអធិការងបានបន្តថា ក្នុងប្រតិបត្តិការនេះសមត្ថកិច្ចរបស់លោកបានដកហូតវត្ថុតាងរួមមាន ទូហ្គេមបាញ់ត្រី៣, កង្ហារធំ-តូច ៤, កៅអីដែក៨, ប៉ៅអ៊ីដេកមួយ, ធុងទឹកកកមួយ, តុឈើមួយ, រ៉ូឡូ សម្រាប់ដោតភ្លើងមួយ, សៀវភៅសម្រាប់កត់ពិន្ទុហ្គេម៣ក្បាល, កូនសោ ២ចង្កោម, លុយខ្មែរ៦៨ម៉ឺនរៀល, លុយដុល្លារ ២០០ដុល្លារ, ម៉ូតូមួយគ្រឿង ម៉ាកហុងដា សេ១២៥ ពណ៌ខ្មៅ ពាក់ស្លាកលេខ សៀមរាប 1G-7211និង ទូរស័ព្ទដៃចំនួន៦គ្រឿងផងដែរ ។
បច្ចុប្បន្នជនសង្ស័យទាំង១០នាក់រួមនឹងវត្ថុតាងដែលរឹបអូសបានត្រូវសមត្ថកិច្ច កសាងឯកសារដើម្បីចាត់ការតាមច្បាប់ ៕ អូន ធួក
