ភ្នំពេញ៖កម្លាំងនគរបានប៉ុស្តិ៍ដង្កោឃាត់ខ្លួនបានជនសង្ស័យ២នាក់ដែលបានធ្វើសកម្មភាពឆក់កាបូបពីស្ត្រី២នាក់ម្តាយកូនដែលធ្វើដំណើរតាមផ្លូវ២១៧បានសម្រេចបាន១គីឡូត្រូវ កម្លាំងនគរបាលដេញតាមឃាត់ខ្លួនបានមកវិញភ្លាមៗ។ហេតុការណ៍នេះកើតឡើងកាលពីវេលាម៉ោង៧ព្រឹកថ្ងៃទី៦ខែវិច្ឆិកាឆ្នាំ២០១៧ស្ថិតនៅភូមិខ្វាសង្កាតដង្កាខណ្ខដង្កោរាជធានីភ្នំពេញ។
ជនរងគ្រោះមានគ្នាពីរនាក់ម្តាយកូន ឈ្មោះ សុឹម ឡេង ភេទស្រីអាយុជាង៥០ឆ្នាំ និងកូនឈ្មោះ អាង ដានី ភេទស្រីអាយុប្រហែល២០ឆ្នាំ។
តាមប្រភពព័ត៌មានពីកម្លាំងនគរបាលបានអោយដឹងថាមុនពេលកើតហេតុពីរនាក់ម្តាយកូនបានឌុបគ្នាទៅធ្វើការនៅរោងចក្រធ្វើដំណើរតាមផ្លូវ២១៧មកដល់ចំនុចខាងមុខមណ្ឌលសុខភាពដង្កោឃើញមានកាបូបយួរមួយមានពណ៌ខ្មៅស្រាប់តែជនសង្ស័យទាំង២នាក់ជិះម៉ូតូមួយគ្រឿងម៉ាក ហុង ដា គុប ពណ៌ទឹកប្រាក់មានស្លាកលេខភ្នំពេញ ១ FR ៩២៤៧ បានមកដល់ក្បែរម៉ូតូរបស់ជនរងគ្រោះឆក់កាបូបនោះជិះគេចខ្លួន។ហើយជនរងគ្រោះបានស្រែកឆោឡោឡើងផ្អើលដល់កម្លាំងនគរបាលប៉ុស្តិ៍ដង្កោដែលកំពុងល្បាតបានដេញតាមឃាត់ខ្លួនបានភ្លាមៗយកមកប៉ុស្តិ៍ដើម្បីសាកសួរ។
ជនសង្ស័យទាំង២នាក់ទី១ឈ្មោះ រ៉េត ពន្លក ភេទប្រុសអា២៤ឆ្នាំមុខរបរមិនពិតប្រាកដស្នាក់នៅភូមិបុរីកម្មករសង្កាត់ជើងឯកខណ្ខដង្កោជាអ្នកបើកម៉ូតូទី២ឈ្មោះ វឿន ដាវិត ភេទប្រុសអា២១ឆ្នាំមុខរបរមិនពិតប្រាកដស្នាក់ភូមិបុរីកម្មករសង្កាត់ជើងឯកខណ្ខដង្កោ កន្លែងកំណើតនៅភូមិឬស្សីសង្កាត់ស្ទឹងមានជ័យខណ្ខមានជ័យ ជនសង្ស័យទាំង២នាក់ជាមុខសញ្ញាឆក់ពេលរាត្រីបាន៦ដងបានសម្រេចលើកទី៧ឆក់ទៀតត្រូវកម្លាំងនគរបាលចាប់បាន។
បច្ចុប្បន្ននេះជនសង្ស័យខាងលើកំពុងតែសាកសួរនៅប៉ុស្តិ៍នគរបាលដង្កោដើម្បីកសាងសំណុំរឿងបន្តទៅអធិកាដ្ឋាននគរបាលខណ្ខដង្កោចាត់ការតាមផ្លូវច្បាប់៕បញ្ញា