ភ្នំពេញ៖ បុរសម្នាក់បានមកដាក់ពាក្យបណ្តឹងនៅប៉ុស្តិ៍នគរបាលចោមចៅ២ សុំការអន្តរាគមន៍ពីកម្លាំងនគរបាល។ហេតុការណ៍នេះបានកើតឡើងកាលពីវេលាម៉ោង៣និង៣០នាទីរសៀលថ្ងៃ១៤រោចខែមិគសិរឆ្នាំរកា ព ស២៥៦១ត្រូវនឹងថ្ងៃទី១៦ខែធ្នូឆ្នាំ២០១៧ បន្ទាប់ពីបុរសម្នាក់ជាមិត្តភ័ក្ររស់នៅភូមិស្រុកជាមួយគ្នាហើយមករស់នៅក្រុងភ្នំពេញនិងបានខ្ចីម៉ូតូទៅញាំកានៅកោះពេជ្យកាលពីរសៀលថ្ងៃទី៧ ខែធ្នូ ឆ្នាំ២០១៧ ក្នុងបុរីធូលន ភូមិព្រៃព្រីងខាងត្បូង១ សង្កាត់ចោមចៅ២ ខណ្ឌពោធិ៍សែនជ័យ រាជធានី ភ្នំពេញ ហើយបានទៅបាត់រហូតខលក៏មិនចូល។
ជនសង្ស័យដែលយកម៉ូតូទៅនោះឈ្មោះហុក គាចាន់បូ ភេទប្រុសអាយុ៣១ឆ្នាំ ស្នាក់ភូមិព្រៃព្រីងត្បូង១ សង្កាត់ចោមចៅ២ ខណ្ឌពោធិ៍សែនជ័យ។
មានស្រុកកំណើតនៅភូមិព្រៃក្រឡាខាងលិចឃុំទូកមាសខាងលិច ស្រុកបន្ទាយមាស ខេត្តកំពត។
តាមសម្តីជនរងគ្រោះសុំមិនបញ្ចេញឈ្មោះបានប្រាប់អោយដឹងថា នៅរសៀលថ្ងៃទី៧ជនសង្ស័យបានមកខ្ចីម៉ូតូម៉ាកហុងដាឌ្រីមសង់ស៊េរីឆ្នាំ២០១២ ពណ៌ពាក់ស្លាកលេខភ្នំពេញ1BG 1327 យកទៅញាំការគេនៅក្នុងកោះពេជ្យដោយសាតែមនុស្សស្គាល់គ្នាទើបរូបគាត់ព្រមឲ្យខ្ចីនិងប្រគល់សោរអោយ។លុះស្អែកឡើងរូបគាត់បានតេទូរស័ព្ទទៅជនសង្ស័យដើម្បីអោយយកម៉ូតូមកវិញតែតេទៅចូលដែរ ប៉ុន្តែមិនលើករហូតមកដល់ថ្ងៃទី១៦ខែធ្នូឆ្នាំ២០១៧ ទើបរូបគាត់មកដាក់ពាក្យបណ្តឹងនៅប៉ុស្តិ៍នគរបាលចោមចៅ២ដើម្បីសុំកាអន្តរាគមន៍ដើម្បីស្រាវជ្រាវចាប់ជនសង្ស័យមកផ្តន្ទាទោសតាមច្បាប់៕៩៨