ឡានដឹកទឹកផ្លែឈើក្រឡាប់សង្កត់បុរសម្នាក់ស្លាប់

0
240

ព្រៃវែង៖​ រថយន្តដឹកទឹកផ្លែឈើមួយគ្រឿងបានក្រឡាប់កិនបែកក្បាលបុរស ម្នាក់បណ្តាលឲ្យស្លាប់ភ្លាមៗ​ នៅម៉ោងប្រមាណ១០ព្រឹក ថ្ងៃទី១១​ ខែមករា​ ឆ្នាំ២០១៧នេះ​ ស្ថិតនៅចំណុចភូមិព្រៃខ្លា ឃុំកំពង់សឹង​ ស្រុកព្រះស្តេច លើផ្លូវជាតិលេខ១​ ចន្លោះគីឡូម៉ែត្រលេខ៦៩-៧០។

បើតាមមន្ត្រីនគរបាល​ បានឲ្យដឹងថា​ រថយន្តបង្កហេតុម៉ាក KiA ពណ៌ស​ ពាក់ស្លាកលេខ ភ្នំពេញ 2W-6342 បើកដោយជនមិនស្គាល់ឈ្មោះ (គេចបាត់)​ បើកក្នុងទិសដៅពី​លិចទៅកើតបញ្ច្រាស់ទិសគ្នា មកដល់ចំណុចខាងលើ បានបត់ឆ្វេងកៀរម៉ូតូម៉ាក HONDA គុបមូល ពណ៌ស្លែ ពាក់ស្លាកលេខ ព្រៃវែង 1A-1614 បើកដោយឈ្មោះ​ ស្ងួន​ នឿន​ ភេទប្រុស អាយុ៥៧ឆ្នាំ​ នៅភូមិព្រៃផ្តៅ ឃុំស្តៅកោង ស្រុកបាភ្នំ ខេត្តព្រៃវែង។ ជនរងគ្រោះ​ ត្រូវបានរថយន្ត​កិនបែកក្បាលស្លាប់​ នៅកន្លែងកើតហេតុ ទាំងពាក់មួកសុវត្ថិភាព​ ហើយបច្ចុប្បន្នសព ត្រូវបានប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណី​ រីឯរថយន្ត​ និងម៉ូតូនៅកន្លែងកើតហេតុ កំពុងធ្វើការស្ទូចយកមករក្សាទុក នៅប៉ុស្តិ៍កំពង់សឹងរង់ចាំ​ដោះស្រាយតាមច្បាប់ពេលក្រោយ ៕ សំបូរ

LEAVE A REPLY

Please enter your comment!
Please enter your name here